Josue 22:24 - Maung A Balita Biblia

²⁴ Andi, ginawa mi yan altar lapud antakot kami ta ag la pigan saray kabyangay boleg yod arapen a panaon et ibaga rad saray kabyangay boleg mi, ‘Antoy pibabali yo ed Katawan a Dios na Israel?

Maung a Balita Biblia

²⁴ Andi, ginawa mi yan altar lapud antakot kami ta ag la pigan saray kabyangay boleg yod arapen a panaon et ibaga rad saray kabyangay boleg mi, Antoy pibabali yo ed Katawan a Dios na Israel?

Josue 22:24 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 30:33

Diad panakar na panaon, mainomay yon amtaen no niluko ta kayo o andi. No nengnengen yo ray ayayep ya inyupa yod siak, tan walay nanengneng yon kanding ya aliwan baklayan o batekan tan karniron aliwan andeket, nibaga yon tinakew.”

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Deuteronomio 6:20

“Diad arapen a panaon saray anak yo tepeten dad sikayo, ‘Akin et say Katawan a Dios tayo et ingganggan ton onuren tayo ra yan amin a ganggan?’

Josue 22:23

No sinumpa miy Katawan ta nanggawa kamiy altar min dili a pampoolan mid saray bagat odino ikana min pangisaklangan na saray bagat a trigo odino saray bagat a para kareenan, sikato lan dili so manusad sikami.

Josue 22:25

Impagmaliw ton ketegan tayo so Jordan, sikami tan sikayo ran totoo na Ruben tan Gad. Anggapoy pibabali yod Katawan.’ Diad ontan saray kabyangay boleg yo et nayarin patondaen dan mangigalang ed Katawan iray kabyangay boleg mi.

Josue 4:6

Saratan a bato et mangipanunot ed ginagawa na Katawan. Diad arapen a panaon, no tepeten na saray anak yo so kabaliksan na saratan a bato,