Josue 22:22 - Maung A Balita Biblia

²² “Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Maung a Balita Biblia

²² Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Josue 22:22 Iomraidhean Croise

1 Saray Arari 8:39

dengel mo pay pikakasi ra. Diad ayaman mod tawen dengel mo pa ra, pirdonam ira, tan tulongan mo ra. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

Say Libro nen Job 10:7

Amtam ya anggapoy kasalanan ko, tan anggapoy makapangyagel ed siak ed sika.

Say Libro nen Job 23:10

Anggaman ontan amta toy kurang ko; no sobuken to ak narumog ton malinis so panagbilay ko.

Say Libro nen Job 31:22

napoter komun iray taklay ko; naekal ira komun ed takeb ko.

Saray Salmo 136:2

Misalamat kayod sankatalonggaringan ed saray diriyos; andi-anggaan so panangaro to.

Saray Salmo 37:6

say inkatonung mo pasinagen ton singa agew ed kaagwan.

Saray Salmo 40:9

Diad pantitipon da ray amin a totoom, O Katawan, imbagak so maung a balitan Manangilaban ka. Amtam ya ag ak balut ontondan mangibagad saya.

Saray Salmo 44:21

naamtaan mo la komun, ta kabat mo ray maamut a nunot mi.

Saray Salmo 44:22

Balet lapud sika, napapatey kami lawas, tan nipapasen kamin singa karniron papatasen.

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

Saray Salmo 95:3

Ta makapanyarin Dios so Katawan makapanyarin ari na amin da ray diriyos.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Saray Gawgawa 1:24

Insan ira nampikasi, “Katawan, kabat moy walad puso na balang sakey. Ipanengneng mo pad sikami no siopay pinilim ed sarayan dua

Saray Gawgawa 25:11

No sinumpak so ganggan o nanggawa ak na antokaman a nepeg a pakadusaan koy patey, sipaparaan ak ya ompatey. Balet no anggapoy katwaan da ray ipapakasalanan dad siak, anggapoy makapangipalimad siak ed sikara. Say Impirador so aapirengan ko.”

2 CORINTO 11:11

Akin et imbagak ya? Lapu kasin ag ta ki inaro? Kabat na Dios ya inaro ta kayo!

2 CORINTO 11:31

Kabat na Dios tan Ama na Katawan a Jesus ya ag ak mantitila. Nagalang komuy ngaran to ed ando lan ando.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Josue 22:21

Saray totood tribu di Ruben, Gad, tan say kapalduay Manases et inmebat irad saramay pangulo da ray pamilya ed saray tribun walad sagur:

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.