Josue 21:43 - Maung A Balita Biblia

⁴³ Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

Maung a Balita Biblia

⁴³ Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

Josue 21:43 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 13:15

amin a dalin a nabantag mo, iter kod sika tan diad saray kabyangay boleg mo, tan kayaryan mo ra ya anggad angga.

Genesis 28:4

Bindisionan to ka komun tan saray kabyangay boleg mo, a singa samay impamindision tod kinen Abraham, tan nakayaryan mo komun yan dalin a panaayaman mo tan sikatoy dalin ya inter na Dios ed kinen Abraham!”

2 Saray Awaran 20:8

Nanayam ira dia tan angipaalagey iray sakey a timplo a pamagalang dad sika, ta amta ra

Nehemias 9:24

Dinakep day dalin na Canaan; impanalom ira ed saray totoon manaayam diman. Initdan mo ray totoom na pakayarin manggawa na labay dan gawaen ed saray totoo tan saray arari ed dalin na Canaan.

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Saray Salmo 105:8

Sumpalen toy impisipanan to ya anggad angga, saray sipan to ya anggad nilibon kailalakan.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Saray Bilang 33:53

Kayaryanen yo so dalin tan panayaman yo, lapud iter kod sikayo.

Saray Bilang 34:2

iray onggendan a bilin ed saray totood Israel: “No onloob kayod Canaan, say dalin ya iter kod sikayo, saray ketegan na dalin et saray onggendan.

Deuteronomio 11:31

Ngalngali yo la baliwen so Ilog na Jordan tan panayaman so dalin ya iter ed sikayo na Katawan a Dios yo. No naala yo tan napanayaman yo la,

Deuteronomio 12:29

“Say Katawan a Dios yo et deralen to ray bansa legan na pankukurang da, tan kayaryanen yo tan panayaman yo.

Deuteronomio 17:14

“Kayari yon nakayaryan so dalin ya iter ed sikayo na Katawan a Dios yo tan manaayam kayo lad man, pampapaknaan yod satan a mankaukolan kayo na sakey ya ari a singa saray arum a bansan walad kaliber-liber yo.

Deuteronomio 34:4

Insan say Katawan kuantod kinen Moises, “Saman so dalin ya insipan kod kindi Abraham, Isaac, Jacob ya iter kod saray kabyangay boleg da. Impanengneng kod sika, balet ag ta ka palooben diman.”

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Saray Huis 11:24

Kayaryan mo labat so antokaman ya inter ed sika na dios mon Cemos. Balet kayaryanen mi met so antokaman ya inter ed sikami na Katawan min Dios.

1 Samuel 12:8

Nen linmad Egipto si Jacob tan say pamilya to, pinapairap iray tagad man. Kinmerew na tulong iray lalaki yo. Imbaki na Katawan ed satan ira di Moises tan Aaron, a sikaray angipangulo ed intaynan dad Egipto tan angiter na panayaman da ed sayan dalin.