Josue 21:27 - Maung A Balita Biblia

²⁷ Say sananey a grupoy pamilya na saray Levita a kabyangan iray boleg nen Gerson et akaawat ira na duaran siudad ya ataksing ed dalin na kapalduay Manases: Golan na Basan (sakey ed saray siudad a salimbengan) tan Be-estera, a pati saray dalin a panagpastolan da.

Maung a Balita Biblia

²⁷ Say sananey a grupoy pamilya na saray Levita a kabyangan iray boleg nen Gerson et akaawat ira na duaran siudad ya ataksing ed dalin na kapalduay Manases: Golan na Basan (sakey ed saray siudad a salimbengan) tan Be-estera, a pati saray dalin a panagpastolan da.

Josue 21:27 Iomraidhean Croise

1 Saray Awaran 6:47

anak nen Mahli; si Mahli anak nen Musi ya anak nen Merari ya anak nen Levi.

1 Saray Awaran 6:71

Nipabetang ed saray pamilya na boleg nen Gerson iray onggendan a baley, pati saray kaliber-liber dan pastolan. Diad dalin na kapalduay Manases: Golan diad Basan, tan Astarot.

Deuteronomio 1:4

Agawa ya sanen tinalo na Katawan si Sehon ya ari da ray Amorreo a nanoley ed baley na Hesbon, tan si Og ya ari na Basan a nanoley ed saray baley na Astarot tan Edrei.

Deuteronomio 4:43

Diad tribu nen Ruben say nibiig a siudad say Bezer a niatagey a patar a kalawakan; diad tribu nen Gad say Ramot a sakop na dalin na Galaad; tan diad tribu nen Manases say Golan a sakop na dalin na Basan.

Josue 20:8

Diad bokig na Jordan, diad niatagey a patar ed kalawakan a walad bokig na Jerico, pinili ray Bezer, diad dalin na Ruben; Ramot na Galaad, diad dalin na Gad; tan Golan na Basan, diad dalin na Manases.

Josue 21:26

Akaawat ira yan pamilya ed boleg nen Coat na samploran siudad a pati saray dalin a panagpastolan da.

Josue 21:28

Manlapud dalin na Isacar naawat da so apatiran siudad: Cision, Daberat,

Josue 21:6

Nipabetang ed boleg nen Gerson so labintalon siudad ya ataksing ed saray dalin na Isacar, Aser, Neftali tan say kapalduay Manases.