Josue 2:18 - Maung A Balita Biblia

¹⁸ Onyay nepeg mon gawaen. No looban miy dalin yo, iberber mo yan ambalangan koldon ed bintanan angilasuran mod sikami. Tawad mod abung mo ray ateng mo, saray agagim a lalaki tan amin a kabyangay pamilya nen amam.

Maung a Balita Biblia

¹⁸ Onyay nepeg mon gawaen. No looban miy dalin yo, iberber mo yan ambalangan koldon ed bintanan angilasuran mod sikami. Tawad mod abung mo ray ateng mo, saray agagim a lalaki tan amin a kabyangay pamilya nen amam.

Josue 2:18 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 7:1

Inkuan na Katawan ed kinen Noe, “Loob kad biong, sika tan amin a kabyangay pamilyam, ta nalmoan ko a diad intiron mundo sika labat so matonung ed arap ko.

Ester 8:6

Panon kon nitepel so pakapatey ed saray totook, saray dilin kadalaan ko?”

Exodo 12:13

Say dala ed saray lusek ya akapeketan na puirta et tanda a pakaamtaan ed saray abung a panaayaman yo. No nanengneng koy dala, labsanan ta kayo tan ag ta kayo pasakitan no dusaen ko ray Egipsio.

Kanta nen Solomon 4:3

Singa ambalbalangan laso so bibil mo; agaylay dakep da no mansasalita ka. Manilengsileng iray aping mon asakbungan na bilom.

Levitico 14:4

say pari iganggan to a niakar ed sikato so duaran manok a malinis onung ed ganggan, sakey a poter na kiew a sidro, sakey ya ambalangan koldon, tan sakey a sangay isopo.

Saray Bilang 19:6

Insan samay pari mangala na kiew a sidro, sangay isopo, tan sakey ya ambalangan koldon tan ibontuk to rad apoy.

Saray Bilang 4:8

Sakbungan da ra ya na ambalangan abel, tapewan da na pinon katat insan da isolung iray tiken a panagsakbatan.

Lucas 19:9

Inkuanen Jesus ed sikato, “Say kilalaban sinmabi natan ed sayan abung, ta anak met nen Abraham yan too.

Saray Gawgawa 10:27

Intuloy day nantongtong a dua leleg dan onloloob ed abung. Anengneng nen Pedro ya amayamay dimay totoo.

Saray Gawgawa 10:33

Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.”

Saray Gawgawa 11:14

Ibaga tod sika ray salita a kilabanan mo tan say intiron pamilyam.’

2 Timoteo 1:16

Kasian komun na Katawan so intiron pamilya nen Onesiforo, ta amimpiga-piga to ak a niligliwa. Ag to imbaing so inkaprisok,

Saray Hebreo 9:19

Imbawag nen Moises ed amin a totoo so balang totontonen ed Ganggan. Kasumpal to, inala toy dala na saray kanding tan saray kilaw a baka, tan danum. Insawsaw toy sangay kiew ya isopo tan say ambalangan lana, insan to winalsikan so libro na Ganggan tan amin da ray totoo.

Josue 2:21

Inmabubon imay bii insan to la ra pinasiput. Nen andi la ra, imberber tod bintana imay ambalangan koldon.

Josue 6:23

Kanyan linma ran angipaway ed kinen Rahab a pati si ama to, ina to, saray agagi ton lalaki, tan arum ni ran kabyangay pamilya to. Inala da ran amin, saray kabyangay pamilya to tan saray aripen to, tan inyakar da rad asingger ed kampo da ray Israelita.

Josue 6:25

Balet si Josue impaliis tod patey si Rahab a marotak a bii tan amin da ray kakanayon to, lapud inyamut nen Rahab ira may duaran ispia ya imbaki nen Josue ed Jerico. (Manaayam nid Israel ya anggad natan iray kabyangay boleg nen Rahab.)