Josue 18:10 - Maung A Balita Biblia

¹⁰ Impanonan ira nen Josue ed Katawan diad panamegley na impanpapalaranan, et impabetang tod balang sakey ed saramay akeraan a tribu na Israel so sakey a parti na dalin.

Maung a Balita Biblia

¹⁰ Impanonan ira nen Josue ed Katawan diad panamegley na impanpapalaranan, et impabetang tod balang sakey ed saramay akeraan a tribu na Israel so sakey a parti na dalin.

Josue 18:10 Iomraidhean Croise

1 Saray Awaran 24:5

Nipabetang iray kimey diad panamegley pampapalaranan, lapud wala ray opisyal na Timplo tan wala ra met so maispiritun pangulo ed saray kabyangay boleg nen Eleazar tan Itamar.

Nehemias 11:1

Nanayam ed Jerusalem iray pangulo, nampapalaranan balet iray arum a totoo no dinan a pamilya ed kapag samplora so manayam ed masanton siudad na Jerusalem. Saray arum a pamilya et nepeg a manayam la rad saray arum a siudad tan saray arum a baley.

Saray Salmo 47:4

Pinili toy dalin a panaayaman tayo natan, say ikikinun a kayaryan na saray totoon inaro to.

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.

Probirbio 18:18

Nayarin naarigloan so kaso na duaran makapanyari a manlalaban ed korti diad panamegley na pampapalaranan.

Jeremias 7:12

Laka yod Silo, say inmonan pasen a pinilik a pangigalangan ed siak, tan nengneng yo no antoy ginawak ed sikato lapud saray kaogsan na saray totook ya Israel.

Ezekiel 47:22

kayaryan yo ya anggad angga. No apagen yo so dalin nepeg a wala met so betang na saray sangkailin manaayam ed kawalaan yo tan nianak dia ray anak da. Nepeg ya ipasen yo ran singa say kipapasen na peteg ya Israelita tan nepeg a mikaot irad saray tribu na Israel diad pangala ray betang da.

Ezekiel 48:29

Say Katawan a Dios inkuanto, “Ontan so pakaapag-apag na dalin a kayaryanen na saray tribu na Israel.”

Mikias 2:5

Kanyan no onsabiy panaon a nipawil lad saray totoo na Katawan so dalin, anggapoy nabetangan yo.

Saray Bilang 34:16

Say Katawan kuantod kinen Moises,

Mateo 27:35

Impasak dad krus tan, kayari ran nampapalaranan iray kawes to, inapag da.

Juan 17:2

Ta initdan moy pakayarin manoley ed amin a katoowan, pian naitdan toy bilay ya andi-anggaan iray amin ya inter mod sikato.

Saray Gawgawa 13:19

Kasumpal ton dineral so pitoran bansa ed dalin na Canaan, inter to ra yan dalin ed saray totoo to

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

Josue 14:2

Onung na ingganggan na Katawan ed kinen Moises, niiter so betang na balang sakey a tribu ed saray siamira tan kapalduan tribu na Israel diad panamegley na pampapalaranan.

Josue 14:5

Inapag-apag na saray totood Israel so dalin onung na ingganggan na Katawan ed kinen Moises.

Josue 18:11

Say dalin a kayaryan da ray pamilya na tribu nen Benjamin et sikatoy ononan nipabetang. Say dalin da et walad nanleetan na tribu nen Juda tan say tribu nen Jose.

Josue 18:6

Igawaan yoy mapa ira yan pitoran parti, insan yo dia iyakar ed siak. Ipanonan ta kayod Katawan a Dios yo diad panamegley na pampapalaranan.

Josue 18:8

Saramay lalakin apili linma ran mangimapa ed dalin kayari nen Josue ya imbilin ed sikara: “Laka yod intiron dalin tan imapa yo, insan kayo dia ompawil ed siak. Kasabi yo diad Silo ipanonan ta kayod Katawan diad panamegley na pampapalaranan.”

Josue 18:9

Kanyan niliber day intiron dalin ira may lalaki tan inggogolis da no panoy impangapag dan pitoran parti so dalin. Inlilista da met iray nandoroman baley. Insan iray pinmawil ed kinen Josue diad kampo ed Silo.

Josue 19:51

Si Eleazar a pari, si Josue a lakin anak nen Nun, tan saray pangulo da ray pamilya na saray tribu na Israel et impapabetang da ra yan parti na dalin diad panamegley na pampapalaranan da diad impangipanon dad Katawan diad Silo, diad lolooban na Tuldan Ayamay Katawan. Diad onya asumpal dan inaapag-apag so dalin.

Josue 23:4

Impabetang ko lad saray tribu yo so dalin na saray akeraan nin bansa; tan amin da ray bansan dinadakep ko la, manlapud Ilog na Jordan diad bokig ya anggad Dayat na Mediteraneo diad sagur.