Josue 18:1 - Maung A Balita Biblia

¹ Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Maung a Balita Biblia

¹ Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Josue 18:1 Iomraidhean Croise

2 Samuel 7:6

Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad dalem na tulday nanaayaman ko tan nanaakar-akar ak.

1 Saray Arari 14:2

Inkuanen Jeroboam ed kinen asawa to, “Oman moy nengneng mo, pian anggapoy makabirbir ed sika. Insan lakad Silo a panaayaman nen Ahias, say propitan angibagan manari ak ed Israel.

1 Saray Arari 14:4

Kanyan linmad abung nen Ahias diad Silo imay asawa nen Jeroboam. Ag la makanengneng si Ahias lapud kinamasiken to la.

1 Saray Arari 2:27

Kanyan pinaekal nen Solomon si Abiatar ed kipapasen ton pari na Katawan; lapud saya apatwa so sinalita na Katawan diad Silo nipaakar ed kinen Eli a pari tan saray kabyangay boleg to.

Nehemias 9:24

Dinakep day dalin na Canaan; impanalom ira ed saray totoon manaayam diman. Initdan mo ray totoom na pakayarin manggawa na labay dan gawaen ed saray totoo tan saray arari ed dalin na Canaan.

Saray Salmo 78:60

Inkaindan toy tulda tod Silo, say tuldan nanayaman tod pegley tayon totoo to.

Saray Salmo 78:66

Pinapoliktar to ray kalaban to; andi-anggaan tan makapabaing so inkatalo ra.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 26:9

Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia?” Insan minokut ak na saray totoo.

Jeremias 41:5

wala ray walomplon lalakin sinmabi a nanlapud Sikem, Silo, tan Samaria. Inekal da ray balbas da, pinipilat da ray kawes da, tan sinasalger day laman da. Sankaawit da ray trigo tan say insinso ya ibagat da ed dalem na Timplo.

Saray Bilang 32:22

tan nakayaryan to so dalin. Kayari tod satan, nayarian yo lay ompawil dia lapud asumpal yo la so kanepegan yod Katawan tan diad saray kapara yon Israelita. Insan say Katawan birbiren to a sayan dalin a walad bokig na Jordan et kayaryan yo.

Saray Gawgawa 7:45

Tinawir ya na saray anak da, tan inawit da nen kaiba ray Josue ya angipanguloy pangayaryan dad saray pasen ya impasamsam na Dios ed sikara. Ag diman naalis, anggad panaon nen David.

Josue 18:2

Wala ni ray pitoran tribu na saray totood Israel ya ag ni ra apabetangan na dalin.

Josue 18:8

Saramay lalakin apili linma ran mangimapa ed dalin kayari nen Josue ya imbilin ed sikara: “Laka yod intiron dalin tan imapa yo, insan kayo dia ompawil ed siak. Kasabi yo diad Silo ipanonan ta kayod Katawan diad panamegley na pampapalaranan.”

Josue 19:51

Si Eleazar a pari, si Josue a lakin anak nen Nun, tan saray pangulo da ray pamilya na saray tribu na Israel et impapabetang da ra yan parti na dalin diad panamegley na pampapalaranan da diad impangipanon dad Katawan diad Silo, diad lolooban na Tuldan Ayamay Katawan. Diad onya asumpal dan inaapag-apag so dalin.

Josue 21:2

Diad Silo ed dalin na Canaan inkuandad sikara, “Ingganggan na Katawan diad panamegley nen Moises a nepeg a naitdan kami na saray siudad a panayaman mi tan saray dalin ed kaliber-liber da a pampastolan mid saray ayayep mi.”

Josue 22:12

Nen nadngelan ya na saray totood Israel, nantitipon iran amin ed Silo ta mibakal irad saray tribun walad bokig.

Josue 22:19

Natan sirin, no aliwan manepeg so dalin yo a pangigalangan ed Katawan, laka yod dalin na Katawan a kawalaan na Tulda to. Mangala kayoy parti na dalin mi. Balet ag kayo onsusumlang ed Katawan o pagmamaliwen yo kamin mananumpa diad pamaalagey yoy altar ya onarum ed altar na Katawan a Dios tayo.

Josue 22:9

Kanyan sinmempet la ra may totood tribu di Ruben, Gad, tan say kapalduay Manases. Tinaynan da ra may arum a totood Israel diad Silo ed dalin na Canaan, ta onsempet la rad dilin dalin da, say dalin ed Galaad, a sikatoy inala ra onung na ingganggan ed sikara na Katawan diad panamegley nen Moises.

Saray Huis 18:31

Nansiansian wadman imay talintao nen Micaya legan a walad Silo so Tulda a panangigalangan ed Dios.

Saray Huis 21:12

Akarumog ira na apat a lasus a birhin ed saray totood Jabes, kanyan inawit da rad kampod Silo a sakop na dalin na Canaan.

Saray Huis 21:19

Insan anunotan da ya asingger lan onsabi manaya so tinaon a pista na Katawan ed Silo. (Walad baybay na Betel so Silo, abalaten na Lebona, tan bokig na dalan a nanleetan na Betel tan Sikem.)

1 Samuel 1:24

Nen apakso to lay ogaw, inyakar tod Silo. Nanawit na taloy taon a bakan kalakyan, sakey salup ya arina, tan sakey a pananginan a katat a napnoy alak. Ogaw ni sirin si Samuel nen inawit nen ina to ed abung na Katawan diad Silo.

1 Samuel 1:3

Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.