Josue 17:1 - Maung A Balita Biblia

¹ Say sakey a parti na dalin ed sagur na Jordan et nipabetang ed saray pigaran pamilyan say sengeg da et si Manases a pangulowan a lakin anak nen Jose. Si Makir ya ama nen Galaad et sankapangulowanan a lakin anak nen Manases tan sakey a sondalo, kanyan nipabetang ed sikato so Galaad tan Basan a walad bokig na Jordan.

Maung a Balita Biblia

¹ Say sakey a parti na dalin ed sagur na Jordan et nipabetang ed saray pigaran pamilyan say sengeg da et si Manases a pangulowan a lakin anak nen Jose. Si Makir ya ama nen Galaad et sankapangulowanan a lakin anak nen Manases tan sakey a sondalo, kanyan nipabetang ed sikato so Galaad tan Basan a walad bokig na Jordan.

Josue 17:1 Iomraidhean Croise

Genesis 41:51

Inkuanto, “Impalingwanan na Dios iray amin a kairapan ko a pati say pakakailiw kod pamilya na amak”; kanyan inngaran to na Manases imay pangulowan ya anak to.

Genesis 41:52

Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Genesis 46:20

Diad Egipto duaray anak nen Jose, di Manases tan Efraim, ed kinen Asenat ya anak nen Potifera a pari ed Heliopolis.

Genesis 48:17

Agoloy isip nen Jose nen anengneng ton intapew nen ama tod olo nen Efraim so kawanan a lima to; kanyan inala tod olo nen Efraim so lima nen ama to, ta iyalis tod olo nen Manases.

Genesis 48:18

Inkuantod kinen ama to, “Aliwan ontan, ama. Sikato yay pangulowan; itapew yod olo to so kawanan a lima yo.”

Genesis 50:23

Naalagar to nin anengneng iray anak nen Efraim tan saray apo tod sikato. Mabilay ni nen naawat a kabyangan na pamilya to iray anak nen Makir, say lakin anak nen Manases.

2 Samuel 2:9

Si Abner ginawa tod man si Isboset a manarid saray lugar na Galaad, Aser, Jezreel, Efraim, tan Benjamin—diad intiron Israel.

1 Saray Awaran 2:23

Balet adakep na saray nanarian na Gesur tan Aram so anemaplon baley, pati saray ooleyan nen Jair tan Kenat, tan saray kaliber-liber a baley. Kabyangay boleg nen Makir ya ama nen Galaad iray amin a totoon manaayam ed sarayan baley.

Ezekiel 47:13

Say Katawan a Dios inkuanto, “Sikara yay ketegan na dalin ya apagen na labinduan tribu; say tribu nen Jose et awaten to so duaran apag.

Saray Bilang 26:29

Say tribu nen Manases. Si Makir a lakin anak nen Manases so ama nen Galaad, tan saray onggendan a boleg a si Galaad so sengeg da:

Saray Bilang 27:1

Di Mala, Noa, Hogla, Milca, tan Tirza so bibiin anak nen Zelofehad a lakin anak nen Hefer a lakin anak nen Galaad a lakin anak nen Makir a lakin anak nen Manases a lakin anak nen Jose.

Saray Bilang 32:33

Kanyan si Moises impabetang tod saray tribu di Gad tan Ruben tan say kapaldua na tribu nen Manases iray amin a dalin nen Sehon ya ari da ray Amorreo tan si Og ya ari na Basan, pati saray baley tan bario ed kaliber-liber da.

Deuteronomio 21:17

Nepeg ya iter tod samay pangulowan ya anak ton laki so duaran betang na saray kayaryan to, anggaman a sikatoy anak na samay ag to labalabay ya asawa. Nepeg a sayan too birbiren toy pangulowan ya anak ton laki tan iter tod sikato so apag a kanepegan ya awaten to.

Josue 17:2

Say dalin a walad bandad sagur na Jordan et nipabetang ed kindi Abiezer, Helec, Asriel, Sikem, Hefer, tan Semida a sikaray arum a kabyangay boleg nen Manases a lakin anak nen Jose tan sikaray pangulo na pamilya ra.

Saray Huis 5:14

Manlapu ra ed Efraim linma ra ed patar diad nibeneg na tribu nen Benjamin tan saray totoo to. Inmakseb manlapud Makir iray panguloy sondalo; inmakseb manlapud Zabulon iray opisyal.