Josue 15:11 - Maung A Balita Biblia

¹¹ Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

Maung a Balita Biblia

¹¹ Ontuloy so ketegan ed pokdul a nibaybay na Ecron, onlikon mamaarap ed Sikeron, insan ondalan ed Palandey na Baala, tan ontuloy ed Jamnia. Say ketegan mansamput ed Dayat na Mediteraneo,

Josue 15:11 Iomraidhean Croise

2 Saray Arari 1:16

Inkuantod ari, “Onya so ibabagay Katawan: ‘Lapud angibaki ka na saray mangipanon ed Baalzebub a dios na Ekron—a singa anggapo lay Dios na Israel a pangipanonan—ag ka la onabig; ompatey ka la!’”

2 Saray Arari 1:6

Inmebat ira, “Inabet kami na sakey a laki tan imbaga ton ompawil kamid sika, ta ibaga mid sika so ibabagay Katawan, ‘Anggapo ta lay Dios na Israel, kanyan mangibabaki kay mangipanon ed Baalzebub a dios na Ekron? Ag ka la onabig ed inkasakitan mo; ompatey ka la!’”

2 Saray Awaran 26:6

Akibakal si Uzias ed saray Filisteo. Inggeba to ray padir na saray siudad na Gat, Jabnia, tan Asdod, tan nampapaalagey na saray aliber na padir a siudad diad asingger ed Asdod tan saray arum a pasen ed Filistia.

Saray Bilang 34:6

“Say ketegan ed sagur et say Dayat na Mediteraneo.

Josue 15:10

a diman onsaliberber ed sagur na Baala a mamaarap ed nipokdul a dalin na Edom, insan ontuloy ed nibaybay a dapag na Palandey na Jearim (odino Kesalon), insan mampalasur ed Bet-semes tan ondalan ed Timna.

Josue 15:12

a sikatoy ketegan ed bandad sagur. Diad loob na sarayan ketegan nanayam iray totoo a kabyangan na saray pamilya nen Juda.

Josue 15:45

Wala met so siudad dan Ecron a pati saray baley tan saray bario to,

Josue 15:9

Manlapud man ontalus ed saray Sobul na Neftoa tan diad saray siudad ya asingger ed Palandey na Efron. Manlapud man onlikon mamaarap ed Baala (odino Kiryat-jearim),

Saray Huis 1:18

Tinulongan na KATAWAN iray totoo nen Juda, kanyan asakup da ray kapokdulan a dalin. Balet ag da alooban iray Gaza, Ascalon, tan Ecron, pati saray kaliber-liber dan pasen. Sarayan totoon manaayam ed gilig na dayat et wala ray balatyang a karwahi ra, kanyan ag ira apataynan na saray totood Juda.

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.

1 Samuel 5:10

Kanyan impaiyakar day Kaban na Sipanan ed siudad na Ecron. Kasabi tod man, ineyag na saray totoo, “Inyakar da diay Kaban na Sipanan na Dios na Israel a mamatey ed sikatayon amin!”

1 Samuel 5:8

Angibaki ra sirin na manawag ed amin da ray limaran arari na saray Filisteo! Nen atipon la ran lima, tinepet dad sikara, “Antoy gawaen tayo ed Kaban na Sipanan na Dios na Israel?” Inmebat ira, “Iyakar yod Gat.” Kanyan inyakar dad Gat, sakey a siudad ed Filistia.

1 Samuel 7:14

Nipawil ed Israel iray amin a siudad ya asamsam na saray Filisteo, saray siudad a walad nanleetay Ecron tan Gat, kanyan abawi na Israel so intiron dalin to. Anggapo met so kolkolan da ray Israelita tan saray Cananeo.