Josue 13:9 - Maung A Balita Biblia

⁹ Sakop na dalin da so anggad Aroer (a walad gilig na patar na Arnon) tan say siudad ed pegley na saman a patar tan sakop to met so intiron niatagey a patar manlapud Medeba ya anggad Dibon.

Maung a Balita Biblia

⁹ Sakop na dalin da so anggad Aroer (a walad gilig na patar na Arnon) tan say siudad ed pegley na saman a patar tan sakop to met so intiron niatagey a patar manlapud Medeba ya anggad Dibon.

Josue 13:9 Iomraidhean Croise

2 Samuel 24:5

Binaliw day Jordan, insan ira nankampo ed abalaten na Aroer, say siudad a walad pegley na patar, diad sakop na dalin nen Gad. Manlapud sayan lugar, linma rad baybay na Jazer,

1 Saray Awaran 19:7

Linman nankampod abay na Medeba iray inabangan dan talomplo tan duan libo a karwahi tan saray sondalo na ari na Maaca. Pinmaway met iray Ammonita ed saray siudad da, ta namparaan iran mibakal.

Nehemias 11:25

Amayamay iray totoon nanayam ed saray baley ya asingger ed kaalogan da. Saray kabyangay boleg na tribu nen Juda et nanayam irad Kiryat-arba, Dibon, Jecabseel, tan diad saray barion asingger ed sarayan siudad.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Jeremias 48:22

Dibon, Nebo, Bet-diblataim,

Jeremias 48:8

Anggapoy anggan sakey a baley a makapaliis ed panagderal; naderal iray patar tan kaalogan. Siak, say Katawan, so nansalita.

Saray Bilang 21:30

Balet natan aderal la ray kabyangay boleg da, Manlapud Hesbon ya anggad Dibon, Manlapud Nasim ya anggad Nofa a kaabay na Medeba.”

Deuteronomio 2:36

Say Katawan a Dios tayo et inabuloyan to itayon anakep ed amin da ray baley a manlapud Aroer, a walad samput na patar na Arnon, tan manlapud siudad ed pegley na saman a patar ya anggad Galaad. Anggapoy siudad ya ag tayo ayarian so padir to.

Deuteronomio 3:12

“Nen nala tayo lay dalin, impabetang kod saray tribu di Ruben tan Gad so pasen a baybay na baley na Aroer diad asingger ed Ilog na Arnon tan say parti na kapokdulan a dalin na Galaad a pati saray baley to.

Deuteronomio 3:16

Diad saray tribu di Ruben tan Gad impabetang ko so dalin a manlapud Galaad ya anggad ilog na Arnon. Say pegley na ilog so ketegan dad abalaten, tan say ketegan dad baybay et say Ilog na Jaboc a say parti to et say ketegan da ray Ammonita.

Josue 12:2

Say sakey ya ari et si Sehon, say Amorreon ari a nanoley ed Hesbon. Sakop na nanarian to so kapaldua na Galaad: manlapud Aroer (a walad gilig na Patar na Arnon) tan manlapud siudad a walad pegley na saman a patar, ya anggad Ilog na Jabok a ketegan na Amon;

Josue 13:10

Nasabi na dalin da so ketegan na Amon tan sakop to ray amin a siudad ya inoleyan nen Ari Sehon ya Amorreo a nanoley ed Hesbon.

Josue 13:16

Sakop na dalin da so Aroer (a walad gilig na Patar na Arnon) tan say siudad ed pegley na saman a patar tan sakop to met so intiron niatagey a patar ed kaliber-liber na Medeba.

Josue 13:8

Saray tribu di Ruben tan Gad tan say kapalduan tribu nen Manases et naawat da lay dalin ya inter ed sikara nen Moises ya aripen na Katawan; say dalin da et walad nibokig na Ilog na Jordan.