Josue 13:22 - Maung A Balita Biblia

²² Say sakey ed saray pinapatey na saray Israelita et si pumaparles a Balaam a lakin anak nen Beor.

Maung a Balita Biblia

²² Say sakey ed saray pinapatey na saray Israelita et si pumaparles a Balaam a lakin anak nen Beor.

Josue 13:22 Iomraidhean Croise

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Saray Bilang 24:1

Amta la natan nen Balaam a say Katawan labay ton pabindisionan ed sikato iray Israelita kanyan ag la linman nannengneng na saray tanda, aliwan singa ginawa to nen inmoona. Linmingaw ed bandad kalawakan

Saray Bilang 24:14

Inkuanen Balaam ed kinen Balak, “Ompawil ak la natan ed saray dilin totook, balet kasakbayan ya ompikal ak, ibagak ed sika no antoy gawaen da ray Israelita ed saray totoom diad arapen a panaon.”

Saray Bilang 31:8

pati saray limaran ari na Madian a di Evi, Rekem, Zur, Hur, tan Reba. Pinatey da met si Balaam a lakin anak nen Beor.

Josue 13:23

Say Jordan so nisagur a ketegan na tribu nen Ruben. Sikara yay siudad tan baley a niiter ed saray pamilya na tribu nen Ruben.

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.