Josue 11:8 - Maung A Balita Biblia

⁸ Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Maung a Balita Biblia

⁸ Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Josue 11:8 Iomraidhean Croise

Genesis 10:15

Say pangulowan ya anak nen Canaan et si Sidon, tan say kumadwa si Het.

Genesis 49:13

“Si Zabulon et manayam ed gilig na dayat. Magmaliw a puirto na saray barko iray sakop ton gilig na dayat. Say dalin to onsabi ya anggad Sidon.

2 Samuel 24:6

insan dia ed Galaad, tan tinmuloy irad Kades, say lugar da ray Heteo. Insan linma rad Dan, tan manlapud Dan, linma rad sagur na Sidon.

Isaias 23:4

Siudad na Sidon, naplag ka lad kababaingan! Inkaindan ka la na tapew tan say kaaralman na dayat a kuanto, “Ag ak balut nananak. Ag ak balut nampabaleg na saray anak a lalaki tan bibii.”

Zacarias 9:2

Kayaryan met na Katawan so Hamat a miketeg ed Hadrac, saray siudad na Tiro tan Sidon pati saray karunongan da.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Josue 10:20

Pinapatey ira nen Josue tan saray totood Israel; balet wala ray akaloob ed dalem na saray padir na siudad da, kanyan ag ira apatey.

Josue 11:3

Nampabakian to met iray Cananeon manaayam ed duaran dapag na Jordan, saray Amorreo, saray Heteo, saray Pereseo, tan saray Jebuseo a wala rad kapokdulan a pasen, ontan met ed saray Heveo a manaayam irad alusadsar na Palandey na Hermon diad dalin na Mizpa.

Josue 11:7

Kanyan si Josue tan amin a totoo to dinogpaan dan bigla iray kalaban da diad kolus na Merom.

Josue 13:6

Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.

Josue 19:28

Hebron, Rehob, Hamon, Cana, ya anggad Sidon.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.