Josue 11:17 - Maung A Balita Biblia

^17-18 Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.

Maung a Balita Biblia

^17-18 Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.

Josue 11:17 Iomraidhean Croise

Genesis 32:3

Angibakiy Jacob na totoo to ed kinen agi ton Esau diad dalin na Edom.

Saray Salmo 89:12

Ginawam so baybay tan say abalaten; kakantaan ka na Palandey na Tabor tan say Palandey na Hermon lapud liket da.

Deuteronomio 1:7

Alis kayo la tan laka yod kapokdulan a dalin da ray Amorreo tan diad saray kaliber-liber a pasen—diad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Deuteronomio 2:1

pinmoliktar itayo tan amaarap itayod kalawakan ya anggad dalan a mamaarap ed Dayat na Akaba, onung na ingganggan na Katawan. Abaybayag tayon nanakar-akar ed kapokdulan na Edom.

Deuteronomio 3:9

Saray Sidonio et tatawagen da na Sirion so Palandey na Hermon, balet saray Amorreo Senir so panatawag da.)

Deuteronomio 33:2

Say Katawan nanlapud Palandey na Sinai; inmatagey a singa agew ed tagey na Edom tan sinminag ed saray totoo to manlapud Palandey na Paran. Kaiba to ray samplon libon anghil manliub ya apoy so walad nikawanan to.

Deuteronomio 7:24

Ipatalo tod sikayo ray ari ra. Pateyen yo ra, tan nalingwanan ira. Anggapoy makabaat ed sikay; pateyen yo so balang sakey ed sikara.

Josue 1:4

Saray ketegan na dalin yo et manlapud kalawakan ed abalaten ya anggad Kapalandeyan na Libano diad baybay; manlapud baleg ya Ilog na Eufrates diad bokig, beltangen toy dalin da ray Heteo, ya anggad Dayat na Mediteraneo diad sagur.

Josue 11:3

Nampabakian to met iray Cananeon manaayam ed duaran dapag na Jordan, saray Amorreo, saray Heteo, saray Pereseo, tan saray Jebuseo a wala rad kapokdulan a pasen, ontan met ed saray Heveo a manaayam irad alusadsar na Palandey na Hermon diad dalin na Mizpa.

Josue 13:5

say dalin da ray Gibalita; say intiron sakop na Libano ya anggad bokig, manlapud Baalgad a bandad abalaten na Palandey na Hermon ya anggad Dalan na Hamat.