Josue 11:16 - Maung A Balita Biblia

¹⁶ Adakep nen Josue iray amin a dalin—saray kapokdulan tan saray alusadsar diad baybay tan diad abalaten, say intiron dalin ed Gosen tan diad ampetang iran pasen ed niabalaten to, ontan met ed Patar na Jordan.

Maung a Balita Biblia

¹⁶ Adakep nen Josue iray amin a dalinsaray kapokdulan tan saray alusadsar diad baybay tan diad abalaten, say intiron dalin ed Gosen tan diad ampetang iran pasen ed niabalaten to, ontan met ed Patar na Jordan.

Josue 11:16 Iomraidhean Croise

Saray Salmo 105:44

Inter tod sikaray dalin na saray taga arum a bansa tan impakayaryan tod sikara so kaalogan da,

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Ezekiel 17:23

diad sankatageyan a palandey na Israel. Mansanga may tanaman tan mambunga, et magmaliw a nidoma-doman kiew a sidro. Manayam irad may amin a klasiy manok tan onsirum ira ed silong to.

Ezekiel 36:8

Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.

Deuteronomio 1:7

Alis kayo la tan laka yod kapokdulan a dalin da ray Amorreo tan diad saray kaliber-liber a pasen—diad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Josue 10:40

Adakep nen Josue so intiron dalin. Tinalo to ray arari ed kapokdulan a pasen, diad nibokig a palasur, tan diad nisagur ya alusadsar, ontan met ed ampetang a pasen diad abalaten. Anggapoy intilak ton mabilay; pinapatey ton amin iray totoo ed sarayan pasen. Sikato ya so ingganggan na Katawan a Dios na Israel.

Josue 10:41

Tinalo nen Josue ira yan amin a pasen manlapud Cades-barnea diad abalaten ya anggad Gaza ed gilig na dayat, pati intiron dalin na Gosen, tan anggad Gabaon diad baybay.

Josue 11:15

Say Katawan inter tod kinen Moises ya aripen iray ganggan to, et si Moises inter to ra yan ganggan ed kinen Josue, tan si Josue inonur to ran amin. Sinumpal to ray amin ya ingganggan na Katawan ed kinen Moises.

Josue 11:2

tan saray ararid kapokdulan a pasen diad baybay, diad Patar na Jordan ya abalaten na Dayat na Galilea, diad alusadsar iran pasen, tan diad gilig na dayat ya asingger ed Dor.

Josue 11:21

Diad sayan panaon si Josue linma tan pinapatey to ray alan a tatawagen ira na Anakim a manaayam ira ed kapokdulan a dalin na Hebron, Debir, Anab, tan diad amin a kapokdulan a pasen na Juda tan Israel. Pinapatey iran amin nen Josue tan sigput ton dinederal iray siudad da.

Josue 12:8

Sayan parti na dalin et sakopen to ray kapokdulan a pasen, saray alusadsar ed sagur, say Patar na Jordan tan saray alusadsar to, saray palasur ed bokig, tan say ampetang a pasen ed abalaten. Sarayan pasen et nanayaman ira na saray Heteo, saray Amorreo, saray Cananeo, saray Perezeo, saray Heveo, tan saray Jebuseo.

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.