Josue 11:15 - Maung A Balita Biblia

¹⁵ Say Katawan inter tod kinen Moises ya aripen iray ganggan to, et si Moises inter to ra yan ganggan ed kinen Josue, tan si Josue inonur to ran amin. Sinumpal to ray amin ya ingganggan na Katawan ed kinen Moises.

Maung a Balita Biblia

¹⁵ Say Katawan inter tod kinen Moises ya aripen iray ganggan to, et si Moises inter to ra yan ganggan ed kinen Josue, tan si Josue inonur to ran amin. Sinumpal to ray amin ya ingganggan na Katawan ed kinen Moises.

Josue 11:15 Iomraidhean Croise

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

Saray Bilang 33:50

Diad saray patar na Moab ed nibaliw na Jordan manlapud Jerico say Katawan inter tod kinen Moises

Saray Bilang 33:52

nepeg yon pataynanen iray amin a manaayam diman. Deral yo ray amin a bato tan mital a talintao ra tan amin a pasen a panangigalangan da.

Mateo 23:23

“Pakaskasi ki la, sikayon iskriba tan sikayon Pariseo! Mansimpisimpitan a totoo! Iiter yoy kakaplo na anggan saray rikado a singa say yirbabuina, anis, tan kumino, balet ag yo susumpalen iray lalon ambelat ya ibabagay Ganggan a singa say katonungan, say panangasi, tan say inkamatoor. Nepeg yo ra yan sumpalen, balet ag yo met papaolyan iray arum a ganggan.

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Saray Gawgawa 20:27

Ta imbagak ed sikayoy amin a linaway Dios.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 31:3

Say Katawan a Dios yo et manayam ed onaan yo tan deralen to ray bansan manaayam diman, pian napanayaman yo so dalin; et si Josue so pangulo yo onung na imbaga na Katawan.

Deuteronomio 31:5

Panaloen to kayod sikara, et nepeg yon gawaen ed sikaray onung na imbagak ed sikayo.

Deuteronomio 31:7

Insan tinawag nen Moises si Josue tan kuantod sikato ed arap na saray amin a totood Israel, “Pabiskeg moy linawam tan manmatalek ka; sika so mangipangulo ed sarayan totoo a manayam ed dalin ya insipan na Katawan ed saray lalaki ra.

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Josue 11:12

Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Josue 11:14

Saray totood Israel inaala ray amin a mabmabli ran kagawaan tan saray ayayep ed sarayan siudad tan kinakayaryan da la ra. Balet pinapatey da ray amin a totoo; anggapoy akeraan a mabilay.

Josue 11:16

Adakep nen Josue iray amin a dalin—saray kapokdulan tan saray alusadsar diad baybay tan diad abalaten, say intiron dalin ed Gosen tan diad ampetang iran pasen ed niabalaten to, ontan met ed Patar na Jordan.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.