Josue 11:12 - Maung A Balita Biblia

¹² Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Maung a Balita Biblia

¹² Adakep nen Josue ira yan amin a siudad tan saray arari ra tan pinapatey da ray amin a totoo ra, onung na ingganggan nen Moises ya aripen na Katawan.

Josue 11:12 Iomraidhean Croise

Deuteronomio 7:2

No sikaray pasukoen ed sikayo na Katawan a Dios yo tan taloen yo ra, nepeg yon pateyen iran amin. Ag kayo migagampid sikara, tan ag yo ra kakasian.

Deuteronomio 9:3

Balet sikayon dili nanengneng yo natan a say Katawan a Dios et manayam ed onaan yo a singa manliub ya apoy. Taloen to ra legan a lolooban yo so dalin da, pian napataynan yo ra tan masiglat yo ran napatey onung na insipan to.

Josue 10:20

Pinapatey ira nen Josue tan saray totood Israel; balet wala ray akaloob ed dalem na saray padir na siudad da, kanyan ag ira apatey.

Josue 10:28

Diad saman ya agew dinogpaan tan adakep nen Josue so Maceda tan say ari to. Pinapatey to ray amin a totoon walad siudad; anggapoy atilak a mabilay. Ginawa tod ari na Maceda so singa samay ginawa tod ari na Jerico.

Josue 10:30

Impanalo met na Katawan iray Israelita ed sayan siudad tan say ari to. Anggapoy inkera ra ya anggan sakey, no ag ta pinatey da ray amin a totood man. Ginawa rad ari na Libna so singa samay ginawa ra ed ari na Jerico.

Josue 10:32

Impanalo na Katawan iray Israelita diad kumadwan agew na impibakal da ed Lakis. Singa samay ginawa ra ed Libna, anggapoy inkera ra, no ag ta pinatey da ray amin a totood man.

Josue 10:35

Adakep da ed saman lamlamang ya agew tan pinatey day balang sakey a tood man, a singa ginawa ra ed Lakis.

Josue 10:37

et adakep da. Pinatey day ari to tan amin iray totood siudad, a pati saray totood kaliber-liber ton baley. Sigput a dineral nen Josue so siudad, a singa ginawa tod Eglon. Anggapod may atilak a mabilay.

Josue 11:13

Balet saray Israelita ag da pinoolan iray siudad a nipaalagey ed atagey iran pasen, likud labat ed Hazor a pinoolan nen Josue.

Josue 11:15

Say Katawan inter tod kinen Moises ya aripen iray ganggan to, et si Moises inter to ra yan ganggan ed kinen Josue, tan si Josue inonur to ran amin. Sinumpal to ray amin ya ingganggan na Katawan ed kinen Moises.

Josue 13:6

Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Josue 8:31

Ginawa to ya lapud sikatoy imbilin nen Moises ya aripen na Katawan ed saray Israelita, onung na ibabagay Ganggan nen Moises: “sakey ya altar ya agawad saray baton ag tinabas na saray kagawaan a balatyang.” Diad tapew na sayan altar insaklang dad Katawan iray bagat a popoolan tan saray bagat a para kareenan.

Josue 8:8

No nala yo la, poolan yo, onung na ingganggan na Katawan. Sikara ya so ganggan ed sikayo.”

Josue 9:24

Inmebat ira, “Ginawa mi ya, lapud naamtaan mi a say Katawan a Dios yo et tuan ingganggan toy aripen ton Moises ya iter tod sikayo yan intiron dalin tan pateyen yo ray totoon manaayam dia legan a mankukurang kayo. Ginawa mi ya lapud antakot kamid sikayo, ompan pateyen yo kami.