Josue 10:36 - Maung A Balita Biblia

³⁶ Manlapud Eglon si Josue tan saray sondalo to tinmatdang irad kapokdulan tan dinogpaan day Hebron,

Maung a Balita Biblia

³⁶ Manlapud Eglon si Josue tan saray sondalo to tinmatdang irad kapokdulan tan dinogpaan day Hebron,

Josue 10:36 Iomraidhean Croise

Genesis 13:18

Inyalis nen Abram so tulda to ed abay na saray masanton kiew ed Mamre diad Hebron tan nanayam diman. Nanggawad man met na altar a para Katawan.

1 Saray Awaran 12:23

Dakerakel iray sondalon akikasakey ed kinen David nen walad Hebron, ta mangiba rad pagmaliw ton ari ya onsalat ed kinen Saul, onung na insipan na Katawan. Say bilang da ray manlapud balang tribu et say onggendan: Juda; anem a libo tan walon lasus a lalakin dugad armas a walay samper tan pika ra; Simeon: piton libo tan sanlasus a sondalon ayadyariy inkapasal dan mibakal; Levi: apat a libo tan anem lasus a lalaki; Saray totoon nen Jeiada a kabyangan iray boleg nen Aaron; talonlibo tan piton lasus a lalaki; Saray kakanayon nen Sadoc a malangwer tan nayarin masebeg a mibabakal: duamplo tan duan pangulon lalaki; Benjamin (say dilin tribu nen Saul): talon libon lalaki (nansiansian matoor ed kinen Saul iray karaklan a totoo nen Benjamin); Efraim: duamplon libo tan walon lasus a sondalon bantug irad dilin boleg da; Kapalduay tribu nen Manases: labin walon libo a lalaki a pinili ran onla ta gawaen dan ari si David; Isacar: duanlasus a pangulo tan pati saray lalakin ipapangulo ra (lalaki ran makaamtad nepeg a gawaen na Israel tan makaamtad sankaabigan a panaon a panggawa); Zabulon: limamplon libon matoor tan napanmatalkan a lalakin akaparaan a mibakal, tan nipasal iran mangikana na antokaman ya armas; Neftali: sanlibon pangulo, pati saray talomplo tan piton libon lalakin akaarmas na samper tan pika; Dan: duamplo tan walon libo tan anem a lasus a lalakin nipasal a mibakal; Aser: apataplon libo a lalakin akaparaan a mibakal; Saray tribu a walad bokig na Jordan—Ruben, Gad, tan kapalduay Manases: sanlasus tan duamplon libo a lalakin nipasal a mangikanay amin a klasiy armas.

2 Saray Awaran 11:10

Zora, Ayalon, tan Hebron.

Saray Bilang 13:22

Linma ran inmona ed abalaten na samay dalin tan akasabi ra ed Hebron a panaayaman na saray boleg di Ahiman, Sesai, tan Talmai, a kabyangan ira na poli na alan a tatawagen na Anakim. (Say Hebron et niletneg lan pitoy taon kasakbayan na inkiletneg na Zoan ed Egipto.)

Josue 10:3

Kanyan si Adonizedek impaikuantod kindi Ari Hoham na Hebron, Ari Piram na Jarmut, Ari Jafia na Lakis, tan Ari Debir na Eglon:

Josue 10:35

Adakep da ed saman lamlamang ya agew tan pinatey day balang sakey a tood man, a singa ginawa ra ed Lakis.

Josue 10:37

et adakep da. Pinatey day ari to tan amin iray totood siudad, a pati saray totood kaliber-liber ton baley. Sigput a dineral nen Josue so siudad, a singa ginawa tod Eglon. Anggapod may atilak a mabilay.

Josue 10:5

Nanmomoyung ira yan limaran arari da ray Amorreo a salanti saray arari ed Jerusalem, Hebron, Jarmut, Lakis, tan Eglon, insan da niliktub so Gabaon, tan dinogpaan da.

Josue 15:13

Onung na ingganggan na Katawan ed kinen Josue, niiter so parti na dalin na Juda ed kinen Caleb a lakin anak nen Jefone tan kabyangay tribu nen Juda. Naawat to so Hebron, say siudad a kayaryan nen Arba ya ama nen Anak.

Josue 15:54

Humta, Hebron, Sior; siamiran siudad iran amin a pati saray baley ed kaliber-liber da.

Josue 21:13

Likud ed Hebron (sakey ed saray siudad a salimbengan), saray onggendan a siudad et nipabetang ira ed saray kabyangay boleg nen Aaron a pari: Libna,

Saray Huis 1:10

Linma ran akibakal ed saray Cananeon manaayam ed siudad na Hebron a tatawagen nen saman na Kiryat-arba. Tinalo dad man iray boleg di Sesai, Ahiman, tan Talmai.

Saray Huis 1:20

Onung na ingganggan nen Moises, niiter so Hebron ed kinen Caleb ya amataynan ed siudad na taloran boleg a si Anak so sengeg da.