Josue 1:8 - Maung A Balita Biblia

⁸ Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.

Maung a Balita Biblia

⁸ Nepeg a pampelengan mo a say libro na Ganggan et nibasa lawas no mangigalang kayod siak. Aral mod agew tan labi, tan pampelengan mon onuren iray amin a nisulat. Diad satan onaligwas ka tan maung so pansumpalan mo.

Josue 1:8 Iomraidhean Croise

Genesis 24:63

Aminsan ya onngangarem la pinmaway ya ompasyar ed kaalogan, et anengneng to ray onsasabin kamilyo.

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 119:15

Aaralen ko ray bilin mo, tan sosokayan ko ray bangat mo.

Saray Salmo 119:97

Agaylay panangarok ed ganggan mo! Lawas kon dadalepdepen.

Saray Salmo 119:99

Maung niy pakatalus ko nen saray amin a managbangat ed siak, ta dadalepdepen ko ray bilibilin mo.

Saray Salmo 19:14

Makapaliket komun ed sika iray salitak tan saray kanunotan ko, O Katawan a salimbengan ko tan mananondon ko!

Saray Salmo 40:10

Ag ko pinokuk ed siak a dili so balitay panangilaban mo; lawas kon sasalitaey katooran tan say pananulong mo. Diad pantitipon da ray amin a totoom ag ko inyamut so ag mangoman a panangarom tan say katooran mo.

Probirbio 3:1

Anak ko, ag mo lilingwanan so ibabangat kod sika. Nunot mo lawas iray ganggan kod sika.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Mateo 12:35

Maung so manlapud maung a too, lapud napnoy puso to na kamaungan. Maoges so manlapud maoges a too, lapud napnoy puso to na kaogsan.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Mateo 7:24

“Kanyan siopamay ondengel tan manumpal ed sarayan salitak, aliling toy sakey a toon makalakal ya angipaalagey ed bato na abung to.

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Juan 13:17

Natan ta amta yo la ra ya, maliket kayo na gawaen yo ra.

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

TAGA-EFESO 4:29

Ag kayo mansasalitay maoges. Nepeg a makatulong so pananalita yo, makapabiskeg, tan makapangiter na nakaukolan, pian napinabangan na saray ondengel.

Deuteronomio 29:8

inala tayoy dalin da, tan inapag tayod saray tribu nen Ruben tan Gad, tan diad kapaldua na tribu nen Manases.

Deuteronomio 29:9

Pampelengan yon onuren iray yan amin a pasusumpal na sayan sipanan, pian onaligwas kayod amin a gawaen yo.

Deuteronomio 30:14

Andi, wadyad kawalaan yo so ganggan. Amta yo tan nayarian yon ibitla, kanyan natan onur yo.

Deuteronomio 31:11

Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

Deuteronomio 31:24

Insulat nen Moises so Ganggan na Dios ed sakey a libro; inapiapiger to pian anggapoy nalingonanan to.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Josue 8:34

Maksil ya imbagad satan nen Josue so intiron Ganggan, pati saray bindision tan saray samba, onung na impakaisulat dad libro na Ganggan.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.