Josue 1:17 - Maung A Balita Biblia

¹⁷ Onuren mi ka a singa impangonur mi lawas ed kinen Moises; wala komun ed sika so Katawan a Dios mo a singa inkiwala tod kinen Moises!

Maung a Balita Biblia

¹⁷ Onuren mi ka a singa impangonur mi lawas ed kinen Moises; wala komun ed sika so Katawan a Dios mo a singa inkiwala tod kinen Moises!

Josue 1:17 Iomraidhean Croise

2 Samuel 14:17

Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

1 Saray Arari 1:37

No kaonungay inkiwala na Katawan ed Kagalang ya ari, ontan met komun so kiwala tod kinen Solomon, tan gawaen ton maaligwas niy panoley to nen say sika.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Saray Salmo 20:1

Ebatan ka komuy Katawan no nagugunigon ka! Iyagel ka komuy Dios nen Jacob!

Saray Salmo 20:4

Iter to komun iray pampipilalekan mo tan pampalaboen to ray iplaplanom.

Saray Salmo 20:9

Panalom pay ari, O Katawan; ebatan mo kami pa no ontawag kamid sika.

Saray Bilang 27:18

Say Katawan kuantod kinen Moises, “Tawag moy Josue a lakin anak nen Nun, tan itapew mo ray liman ed olo to ta sikatoy lakin nayarian toy mangipangulo.

Saray Bilang 27:20

Iter mod sikato so arum a pakaoley mo, et onuren na amin a totood Israel.

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Deuteronomio 34:9

Si Josue a lakin anak nen Nun et napno na kakabatan, lapud tinoro nen Moises a kasalat to. Inonur na saray totood Israel si Josue tan sinumpal da ray ganggan ya inter ed sikara na Katawan diad panamegley nen Moises.

Josue 1:16

Inmebat irad kinen Josue, “Sumpalen miy amin ya imbagam ed sikami tan onla kamid iner man a pasen a pangibakian mod sikami.

Josue 1:18

Pateyen so siopaman ya onsumpad pakaoley mo tan onsumlang ed saray ganggan mo. Mampabiskeg kay linawam tan manmatalek ka!”

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 4:14

Lapud saman a ginawa na Katawan ed saman ya agew nitandurod arap na totood Israel si Josue. Pinagalangan da legan ton nambilay, a singa impamagalang dad kinen Moises.

1 Samuel 17:37

Say Katawan inyagel to ak ed saray lion tan saray uso; iyagel to ak met ed saman a Filisteo.” Inmebat si Saul, “Sigi, laka, tan say Katawan wala komud sika.”

1 Samuel 20:13

No getma to ka nin pasakitan, pateyen ak komun na Katawan no ag ko paipakabat ed sika, pian nibatikan moy kaatapan. Wala komud sikay Katawan a singa inkiwala to nen saman ed kinen amak!