Jonas 4:8 - Maung A Balita Biblia

⁸ Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, “Magmaung nin inatey ak la nen say mambilay ak ni.”

Maung a Balita Biblia

⁸ Nen atagey lay agew, say Dios angipasibuk na ampetapetang a dagem a nanlapud bokig, et si Jonas ngalngali aponaw lapud petang na agew a kinmenad olo to. Kanyan kinaliktan ton sikato lay inatey komun. Inkuanto, Magmaung nin inatey ak la nen say mambilay ak ni.

Jonas 4:8 Iomraidhean Croise

Genesis 41:6

Insan pinmaway met so pitoran dawa ya apa tan amaga ra, lapud adalan ira na dagem a nanlapud kalawakan.

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

1 Saray Arari 21:4

Agunigon tan akapasnuk a sinmempet ed abung si Acab lapud samay imbaga nen Nabot ed sikato. Dinmokul ed katri to, inarap toy padir, tan ag mangan.

Say Libro nen Job 2:10

Inmebat si Job, “Andi-kakanaay ibabagam! No mangiter na kamaungan so Dios, awaten tayo. Akin et ag tayo awaten no kairapan so iter to?” Anggan ontan lay paniirap to si Job ag nansalita na maoges sumpad Dios.

Say Libro nen Job 7:15

anggad lablabayen ko lay ompatey a tinikel nen say mambilay ya onya lamlamang so laman ko.

Saray Salmo 121:6

No agew ag ka pasakitan na petang na agew, o say sinag na bulan, no labi.

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

Ecclesiastes 7:9

Ag ka bengatbengat mamapasnuk; inkakulang-kulang so pomokuk na sakit na linawa.

Kanta nen Solomon 1:6

Ag yo ak memelag-melagen lapud kolor na baog ko, lapud tinektek ak na agew. Akapasnuk ed siak nen saman iray agagik a lalaki, kanyan impankimey da ak ed kaubasan. Anggapoy oras kod saman a nanasikasod laman kon dili.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Ezekiel 19:12

Balet diad gaway pasnuk na totoo nilamut dan binagut tan imbantak da ed dalin. Say dagem a nanlapud bokig et pinamaga toy bunga to. Apoter-poter iray sanga to; impamaga ra tan apoolan ira.

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Jonas 1:4

Balet say Katawan angibakid dayat na mabiskeg a dagem, tan diad gaway peles na bagyo ngalngali la nabuyak imay bapor a niloganan da.

Jonas 4:3

Ontan sirin, Katawan, alam pa lay bilay ko. Magmaung nin ompatey ak la nen say mambilay ak ni.”

Jonas 4:9

Balet inkuay Dios ed sikato, “Antoy kanepegan mon mampasnuk nipaakar ed samay tanaman?” Inmebat si Jonas, “On, walay kanepegan kon mampasnuk—mampasnuk ya anggan makasengeg la na ipatey ko!”

Mateo 20:12

Inkuanda, ‘Saksakey oras a nankimey ira may onur a sinmabi; sikami, balet, sanagew kamin nankimey ed kapetangay agew. Akin et namparay upa mi?’

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

Puyan 7:16

Ag la ran balut naerasan o naapgaan. Ag met la ra napoolay agew o anggan anton ampetang.

1 Samuel 3:18

Kanyan imbaga nen Samuel iray amin a bengatla; anggapoy inyamut to. Inkuanen Eli, “Sikato so Katawan; gawaen toy antokaman ya isisipen ton maabig.”