Jonas 2:10 - Maung A Balita Biblia

¹⁰ Insan say Katawan ingganggan to may sira ya iboga tod gilig na dayat si Jonas, et imbugan tua na samay sira si Jonas.

Maung a Balita Biblia

¹⁰ Insan say Katawan ingganggan to may sira ya iboga tod gilig na dayat si Jonas, et imbugan tua na samay sira si Jonas.

Jonas 2:10 Iomraidhean Croise

Genesis 1:11

Insan ingganggan na Dios, “Sikan dalin, mamatubo ka na amin a klasiy tanaman, saray mangiter na ilik tan saray mambungay prutas a nambokel”—et agawa.

Genesis 1:14

Insan inkuan na Dios, “Onlesa ed tawen iray silew a mangibiig na agew ed labi tan mangipanengneng na igapo na saray agew, taon, tan saray panaon;

Genesis 1:3

Insan inkuan na Dios, “Onlesa so liwawa”—et linmesay liwawa;

Genesis 1:9

Insan inkuan na Dios, “Natipon ed sakey a pasen so danum a walad silong na tawen, pian ompaway so amagan pasen”—et agawa.

Saray Salmo 105:31

Nangganggan so Katawan et apano na apangat tan ageyet so intiron bansa.

Saray Salmo 105:34

Nangganggan et sinmabi ray dorun, ya ag ira nabilang ed karakel da.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Isaias 38:20

Katawan, pinaabig mo ak. Manogtog kami na saray arpa tan mankanta kamiy dayew mo. Diad Timplom mankanta kamiy pangidayew legan na pambilay mi.

Isaias 43:11

“Bukbukor ko so Katawan, siak labat so makapangilaban ed sikayo.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Jonas 1:17

Lapud ganggan na Katawan, inakmon na balbaleg a sira si Jonas; nanayam ed dalem na eges na sira si Jonas na taloy agew tan taloy labi.

Jonas 3:1

Akitongtong lamet so Katawan ed kinen Jonas.