Jonas 1:6 - Maung A Balita Biblia

⁶ Arumog diman na kapitan kanyan kuantod sikato, “Akin et wadtan kan naogip? Bangon ka, ta kerew kay tulong ed dios mo. Ag la pigan abageyen to itayo et ipaliis to itayod patey.”

Maung a Balita Biblia

⁶ Arumog diman na kapitan kanyan kuantod sikato, Akin et wadtan kan naogip? Bangon ka, ta kerew kay tulong ed dios mo. Ag la pigan abageyen to itayo et ipaliis to itayod patey.

Jonas 1:6 Iomraidhean Croise

2 Samuel 12:22

“On,” ebat nen David. “Nanayuno tan nanermen ak legan a mabilay ni. Abaloan kon kasian ak na Katawan tan ag to abuloyan ya ompatey so ogaw.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Saray Salmo 107:6

Insan diad inkagunigon da, tinmawag irad Katawan, et inyagel to rad paniirap da.

Saray Salmo 78:34

Balet kapag wala ray pateyen tod sikara, saray nakdaan onsingger irad Dios; mampatauli ra tan masimoon iran mampikasid sikato.

Isaias 3:15

Anggapoy kanepegan yon mamairap ed saray totook tan mamasegsegang ed saray mairap-bilay. Siak, say Katawan a Dios a Makapanyarin-amin, so nansalita.”

Ezekiel 18:2

tan inkuanto, “Anto ta yay probirbio ya olit-oliten ya ibaga na saray totoo ed dalin na Israel? ‘Kakanen na saray atateng so ubas ya anapseng, Balet saray anak so nakikilem.’

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Amos 5:15

Bosul yoy kaogsan, aro yoy kamaungan, et nanengneng yod satan ed saray korti ya ontalona so katonungan. Angangko kasian na Katawan iray totoon atilak nin mabilay ed sayan bansa.

Jonas 3:8

Amin a too tan amin ya ayayep et nepeg a mansolung na sako. Balang too nepeg a benegan to la ray amin a maoges a kagagawa to tan amin a kaogsan a gagawaen to.

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Taga Roma 13:11

Nepeg yo yan gawaen lapud amta yo no anto la yan panaon. Panaon lan nepeg kayon onliing, ta say kilalaban tayo et magano la natan nen samay inggapo tayon manisia.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”