Jonas 1:5 - Maung A Balita Biblia

⁵ Ataktakot iray marinirod samay bapor, kanyan tinmawag na tulong ed nagsinagsin dios to so balang sakey ed sikara. Pian nalemewan ira imbabantak dad dayat iray karga ra. Legan to ya, linmad bandad dalem na bapor si Jonas, dinmokul, tan naogip na malmalet.

Maung a Balita Biblia

⁵ Ataktakot iray marinirod samay bapor, kanyan tinmawag na tulong ed nagsinagsin dios to so balang sakey ed sikara. Pian nalemewan ira imbabantak dad dayat iray karga ra. Legan to ya, linmad bandad dalem na bapor si Jonas, dinmokul, tan naogip na malmalet.

Jonas 1:5 Iomraidhean Croise

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.

Saray Salmo 107:25

Nangganggan, et sinmiplug so mabiskeg a dagem, ya amadaluyon na ankakabaleg.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Ecclesiastes 3:6

Igegetar toy panaon na pananap tan say panaon na pangibalang, say panaon na pantipon tan say panaon na pambantak,

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

Jonas 1:14

Kanyan tinmawag irad Katawan, “O Katawan, pikasi mid sika ya ag mo kami pa dudusaen na patey lapud pangoyus mid bilay na sayan too. Sika, O Katawan, so akaoley ed sayan inkagawa; sika so nanggawad sayan amin.”

Jonas 1:16

Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.

Jonas 1:6

Arumog diman na kapitan kanyan kuantod sikato, “Akin et wadtan kan naogip? Bangon ka, ta kerew kay tulong ed dios mo. Ag la pigan abageyen to itayo et ipaliis to itayod patey.”

Mateo 25:5

Ag sinmabid dugan oras so nubio, kanyan mantomeg ira, insan ira akaogip.

Mateo 26:43

Pinawil to lamet iray disipulo to tan asabian to ran akaogip, ta mapalaloy pakakaogip da.

Mateo 26:45

Pinmawil ed saray disipulo to tan inkuanto, “Akaogip tan mamapainawa kayo ni anggad natan? Nengneng yo! Sinmabi lay oras a niawat so Anak na Too ed lima da ray makasalanan.

Saray Gawgawa 27:38

Nen napsel lay balang sakey, imbantak dad danum so trigo, pian nalemeway barko.

Saray Huis 16:19

Inayat nen Delila a makaogip si Samson ed akwalan to, insan anawag na sakey a laki ya amotut na pitoran lapir na buek nen Samson. Ginapwan nen Delila a pairapen si Samson, ta naandi lay biskeg to.

1 Samuel 24:3

Linmad sakey ya ongib a walad abay na pigaran koral na karniro diad gilig na dalan, tan sinmorub diman ta labay toy nainawaan. Nibana a diad daledalem to man ya ongib akaamut ira di David tan saray totoo to.