Joel 3:9 - Maung A Balita Biblia

⁹ “Ibawag yo ya ed saray bansa: ‘Mamparaan kayon mibakal; tawag yo ray bumabakal yo; pantitipon yo ray amin a sondalo yo tan mankurang kayo.

Maung a Balita Biblia

⁹ Ibawag yo ya ed saray bansa: Mamparaan kayon mibakal; tawag yo ray bumabakal yo; pantitipon yo ray amin a sondalo yo tan mankurang kayo.

Joel 3:9 Iomraidhean Croise

Saray Salmo 96:10

Ibaga yod amin a bansa, “Manaari so Katawan! Malet so inkiletneg na mundo tan ag balut natenyeg; matonung so panintinsia tod amin a katoowan.”

Isaias 34:1

Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Jeremias 31:10

Say Katawan kuanto, “Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 6:4

Ikuanda, “Mamparaan kayon ondogpa ed Jerusalem! Mamparaan kayo! Ondogpa tayo no kaagewan!” Balet insan ikuandad satan, “Anggapo lay oras tayo; onseselek lay agew tan onsisironget la.

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Ezekiel 38:7

Ibagam ed sikato a mamparaan tan pamparaanen to ray sondalo ton ipangulo to.

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Aggeo 2:7

Taloen kon amin iray bansa, tan niyakar dia iray kayamanan da, tan napano na kayamanan so Timplo.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Zacarias 14:3

Insan ompaway so Katawan a mibakal ed saraman a bansa, a singa impibakal to nen saman a panaon.