Joel 3:5 - Maung A Balita Biblia

⁵ Inaala yo ray pilak ko tan saray balituk ko tan inyaakar yod saray timplo yo iray kayamanan ko.

Maung a Balita Biblia

⁵ Inaala yo ray pilak ko tan saray balituk ko tan inyaakar yod saray timplo yo iray kayamanan ko.

Joel 3:5 Iomraidhean Croise

2 Saray Arari 12:18

Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram, tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

2 Saray Arari 16:8

Inala nen Acaz iray pilak tan balituk ed Timplo tan diad pananginay kayamanan ed palasio, insan to ra impairigalod impirador.

2 Saray Arari 24:13

Nen kumawalon taon na panooley nen Nabucodonosor, inawit ton priso si Joakin tan inala to met ya amin iray kayamanan na Timplo tan palasio. Onung na impasakbay la na Katawan, binebetag ya amin nen Nabucodonosor iray ginagawa nen Ari Solomon a balituk a kagawaan ed dalem na Timplo.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Jeremias 23:7

“Onsabiy panaon,” kuay Katawan, “a saray totoo et ag la ra mansamba a kuanda, ‘Nitay mabilay a Dios ya angipaway ed dalin na Egipto ed saray totood Israel.’

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Ezekiel 37:12

Kanyan mampropisiya kad saray totook ya Israelita, ta ibagam ed sikara a siak a Katawan a Dios et lokasan ko ray lobuk da. Ipaway ko ra, insan ko ra ipawil ed dalin na Israel.

Daniel 11:38

Ingen pagalangan to so dios a mangyaagel na saray tirinsira. Mangibagat na balituk, pilak, alahas, tan arum ni ran mabmablin rigalo ed sakey a dios ya ag balut inggalang na saray lalaki to.

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.