Joel 3:17 - Maung A Balita Biblia

¹⁷ “Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Maung a Balita Biblia

¹⁷ Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Joel 3:17 Iomraidhean Croise

Say Libro nen Job 15:19

Sikara labat so nanayam ed dalin da tan anggapoy taga arum a bansan ananggoyur ya ikaindan day Dios.

Saray Salmo 76:2

Walad Jerusalem so abung to; manaayam ed Palandey na Sion.

Saray Salmo 9:11

Kantaan yoy pangidayew so Katawan a manaayam ed Sion! Ibawag yod saray bansa iray gawgawa to!

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 4:3

Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Jeremias 31:40

Say intiron patar na pomponan ed saray bangkay tan bantakan na dotak, tan amin a kaalogan ed pandel na Kolus na Cedron ya anggad Puirta na Kabayo et magmaliw iran masanton pasen ed siak. Ag lan balut nigeba odino naderal yan siudad.”

Ezekiel 20:40

Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Ezekiel 37:6

Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Daniel 11:45

Ilira to ni ingen iray ankakabaleg a tulda ton ayamay ari diad nanleetan na dayat tan palandey a panalalageyan na Timplo. Balet ompatey so ari na Siria, ya anggapod man so siopaman ya ontulong ed sikato.”

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Joel 2:27

Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.