Joel 2:27 - Maung A Balita Biblia

²⁷ Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Maung a Balita Biblia

²⁷ Kanyan sikayo ran taga Israel, naamtaan yo a wala ak ed sikayo tan siak a Katawan so bukbukor a Dios yo. Ag lan balut napabaingan iray totook.

Joel 2:27 Iomraidhean Croise

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Saray Salmo 68:18

Onkakalab ed saray atagey a pasen, a sankaawit to ray amayamay a priso; mangaawat na saray rigalo da ray totoon mananumpa. Manayam diman so Dios a Katawan!

Probirbio 1:23

Dengel kayo no pampasnukan ta kayo; itdan ta kayoy maung a simbawa tan inagnag kod sikayoy pakatalus ko.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 44:8

Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Isaias 45:5

“Siak so Katawan; anggapo lay arum a Dios. Itdan ta kay biskeg a nakaukolan mo, anggaman ya ag mo ak kabat.

Isaias 45:6

Gagawaen ko ya pian naamtaan na amin a katoowan ed sankamundoan a siak so Katawan tan anggapo lay arum.

Isaias 46:9

Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Ezekiel 37:6

Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Ezekiel 39:22

Manlapud saya naamtaan na saray Israelita a siak so Katawan a Dios da.

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Joel 2:26

Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Zacarias 2:9

“Say Katawan a dili so onlaban ed sikayo, tan samsaman kayo na saray totoon aripen yo nen saman.” No nagawa la ya, naamtaan na balang too a siak so imbaki na Katawan a Makapanyarin-amin.

Saray Bilang 11:29

Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Deuteronomio 23:14

Pansiansia yon malinis onung ed ganggan so kampo yo, ta manaayam ed kampo yo so Katawan a Dios yo a mangyagel ed sikayo tan mangiter ed sikayo na pananalo ed saray kalaban yo. Ag kayo manggagawa na antokaman a mabanday a pangibenegan na Katawan ed sikayo.

1 Pedro 2:6

Ta ibabagay Masanton Sulat, “Pinilik so sakey a mablin bato, ya ililirak a pundasion ed Sion; tan ag nabaingan so siopaman a manisiad sikato.”

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.