Joel 2:26 - Maung A Balita Biblia

²⁶ Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.

Maung a Balita Biblia

²⁶ Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.

Joel 2:26 Iomraidhean Croise

Genesis 33:11

Awat mo kariy panangarok ya awit kon para sika, kinasian ak na Dios, ta inter ton amin iray nakaukolan ko.” Ag to tinondaan ya anggad inawat nen Esau ira may rigalo.

Nehemias 9:25

Dinakep na saray totoom iray siudad ya aliber na padir, saray mabunan dalin, saray abung a napnoy kayamanan, saray bobun a walay danum, saray kaolibaan, saray kakiewan a mambunga, tan saray kaubasan. Inaakan day amin a labay da, kanyan tinmataba ra; nanliket irad amin a kaabigan ya inter mod sikara.

Saray Salmo 103:5

Papanoen toy bilay ko na saray kaabigan, pian makapansiansia ak a malangwer tan mabiskeg a singa agila.

Saray Salmo 116:7

O kamarerwak, manmatalek ka, ta maung ed siak so Katawan.

Saray Salmo 13:6

Kantaan ta ka, O Katawan, ta amayamay iray kaabigan ya inter mod siak.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Saray Salmo 37:19

Ag ira manirap no makapoy so panaon; ag ira naandiay nakan no panaoy eras.

Saray Salmo 67:5

Idayew ka komuy katoowan, O Dios; idayew ka komuy amin a katoowan!

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Probirbio 13:25

Malaem so kakanen na saray totoon matonung, balet kulang lawas so kakanen da ray totoon maoges.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 29:22

Kanyan natan say Katawan a Dios na Israel, ya angyagel ed kinen Abraham nen walad gunigon, kuanto, “Sikayo ran totook, ag kayo la napelag ed kababainngan, ag kayo la mampabalangay lupa.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Levitico 25:19

Say dalin mangiter na bunga to tan nawalaan kayo na amin a labay yon kanen tan mambilay kayod man ya arawid kaatapan.

Levitico 26:26

Patondaen koy pangyakar na kakanen yo, kanyan say samploran bibii nakaukolan da labat so sakey ya ornowan a panggawaan dad amin a tinapay da. Ibunog day tinapay da ta no naakan yo lan amin, narasan kayo nin siansia.

Levitico 26:5

Diad karakel na bungay tanaman yo; manaani kayo ni anta panaon lay panagborbor na ubas, tan mamboborbor kayo niy ubas, anta panaon lay panagtanem na trigo. Nawalaan kayo na amin a labay yon kanen, tan mambilay kayon arawid kaatapan ed dalin a panayaman yo.

Mikias 6:14

Mangan kayo, balet ag kayo napesel—diad tuay tua narasan kayo ni. Ibatik yoy amin a bengatla, balet ag yo ra niyagel; deralen kod bakal so antokaman a niyagel yo.

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Zacarias 9:15

Say Katawan a Makapanyarin-amin et iyagel to ray totoo to, tan deralen da ray kalaban da. Diad bakal oneyag iran singa abuek a totoo, tan paterteren day dala ray kalaban da; onagos so dala a singa say dala na bagat a walad yaung ya inibung ed altar.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Saray Taga Roma 10:11

Ta ibabagay Masanton Sulat, “Siopamay manisiad sikato, ag nabaingan.”

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

Deuteronomio 11:15

tan say dika a para saray ayayep yo. Nawalaan kayo na amin a taganon nakaukolan yo.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 8:10

Walad may amin a labay yon kanen, tan misalamat kayod Katawan a Dios yo lapud saman a mataban dalin ya inter tod sikayo.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

1 Juan 2:28

On, anak, mansiansia kayod Cristo, pian mataletalek itayo no sikatoy ompatnag tan ag itayo nabaingan ed sikato no Agew na isabi to.