Joel 2:12 - Maung A Balita Biblia

¹² “Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Maung a Balita Biblia

¹² Balet anggan natan, kuay KATAWAN! masimoon kayon magbabawi tan pawil kayod siak a manaayuno, mannangnangis, tan maneermen kayo.

Joel 2:12 Iomraidhean Croise

2 Samuel 24:10

Balet kayariy impakabilang nen David ed saray totood Israel, ag pareenen na konsinsia to, kanyan kuantod Katawan, “Ambelat so kasalanan ko lapud sayan ginawak! Pirdona mo ak pa. Inaambagel so ginawak.”

2 Saray Awaran 30:6

Lapud ganggan na ari tan saray opisyal to saray ibabaki linma rad intiron Juda tan Israel a sankaawit da yan imbitasion: “Totood Israel! Apaliisan yoy impanakep na saray taga Asiria ed dalin tayo. Natan pawil kayo ed Katawan, say Dios di Abraham, Isaac, tan Jacob, pian pawilen to kayo.

2 Saray Awaran 6:27

dengel mo pa rad tawen, O Katawan, tan pirdonam iray kasalanan da ray aripen mo, saray totoom ya Israelita tan ibangat mo pad sikaray maptek a pambilay da. Insan, O Katawan, ipelag moy oran ed dalin mo ya impatawir mod saray totoom.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Exodo 33:5

Say Katawan kuantod sikara diad panamegley nen Moises, “Anawet so olo yon totoo. No siak so milad sikayo anggan maganon bekta labat, deralen ta kayon sigput. Okpus yo natan iray alahas yo, insan ko nunoten no antoy gawaen kod sikayo.”

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 58:4

Say panaayuno yo pagmamaliwen to kayon maruksa, tan mankokolkol kayo tan manlalaban kayo. Abaloan yo dengelen ko ray pikakasi yo lapud sayan panagayuno yo?

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Oseas 12:6

Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Oseas 12:7

Say Katawan kuanto, “Saray totood Israel et masaol iran singa saray Cananeo; labalabay dan saolen iray sumasaliw diad panamegley na masaol a simbangan.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Zacarias 7:3

tan itepet da ed saray papari tan saray propita yan tepet: “Ituloy tayo niy manermen lapud inkaderal na Timplo, diad panamegley na panayuno tayod kumaliman bulan a singa ginagawa tayo lad amayamay ya imbeneg a taon?”

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Malakias 1:9

Natan sikayo ran papari, kerew yo pad Dios a kasian to itayo. Ag to ebatan so pikakasi yo, et sikayo lamlamang so natetel.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Huis 2:4

Nen imbaga ya na samay anghil na Katawan, inmakis ya amin iray Israelita,

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)