Joel 1:12 - Maung A Balita Biblia

¹² Nalnes iray sengeg na ubas tan saray kiew ya igos; nalnes ya amin iray kiew a mambunga, insan ira inaatey. Naandi lay liket da ray totoo.

Maung a Balita Biblia

¹² Nalnes iray sengeg na ubas tan saray kiew ya igos; nalnes ya amin iray kiew a mambunga, insan ira inaatey. Naandi lay liket da ray totoo.

Joel 1:12 Iomraidhean Croise

Saray Salmo 4:7

Balet say liket ya inter mod siak et baleg ni nen say liket da anggaman a daakan so pilak tan alak da.

Saray Salmo 92:12

Onsalumpapak a singa kiew a palmira iray matonung a totoo; ombaleg iran singa kiew a sidro na Libano.

Kanta nen Solomon 2:3

Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

Kanta nen Solomon 4:13

ontutubod man iray tantanaman. Ontutubo ran singa saray tanaman a granada tan mambubunga ray sankaabigan a bunga. Daakan iray pabalingit a hina tan nardo,

Isaias 16:10

Anggapo la natan so maliket ed saray mataban kaalogan. Anggapo la ray maneeyagan o mankakantaan ed saray kaubasan. Anggapo lay manggaway alak diad panggagatin dad saray ubas; nansamput lay paneeyagan ed liket.

Isaias 24:11

Maneeyag ed saray dalan iray totoo lapud anggapo lay alak. Naandi lay liket; tinmaynan la ed dalin.

Isaias 24:7

Onlelenes iray sengeg na ubas tan ondadaiset lay alak. Amin da ray maliket nen saman et maermen la ra natan,

Isaias 9:3

Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Jeremias 48:3

Oneeyag iray totood Horonaim, ‘Panagduksa! Panagderal!’

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Joel 1:10

Anggapoy tanaman ed kaalogan; maermen so dalin lapud aderal-deral iray trigo, amagaan iray sengeg na ubas, tan nalnes iray kiew na oliba.

Joel 1:16

Legan a nadederal iray tanaman mid kaalogan mambanbantay kami labat ya anggapoy nagawaan. Anggapo lay liket ed Timplo na Dios tayo.

Jonas 4:7

Balet diad kaimbuas ingganggan na Dios so sakey a bigis a kibkiben to may tanaman, kanyan inatey imay tinmobun tanaman.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Malakias 3:11

Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.

Saray Bilang 13:23

Akasabi ra ed Patar na Escol, et diman ira amoter na sangay ubas a walay sakey a monggul a bunga to. Diad gaway belat na saramay bunga kinaukolan a duaran katao so anakbat ed tiken. Angisempet met ira na saray bungay granada tan igos. (