Jeremias 9:7 - Maung A Balita Biblia

⁷ Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Maung a Balita Biblia

⁷ Lapud saya say Katawan a Makapanyarin-amin kuanto, Pasilingen kon singa mital iray totoo, tan suboken ko ra. Nanggagaway kaogsan iray totook anto niy nagawaan kod sikara?

Jeremias 9:7 Iomraidhean Croise

2 Samuel 13:26

Balet inkuanen Absalom, “Sigi sirin, anggan si Amnon labat so abuloyan yon onla.” “Akin et sikato?” tepet na ari.

2 Saray Awaran 36:15

Intuloy na Katawan a Dios na saray lalaki ra so angibaki na saray totoon mamasakbay ed sikara, lapud labay ton niagel iray totoo to tan say Timplo to.

Saray Salmo 120:4

Dusaen to kayod panamegley na saray maotuk a panay sondalo, diad panamegley na saray ampetapetang a ngalab!

Saray Salmo 55:22

Imatalek mod Katawan iray gunigon mo, et iyagel to ka; ag ton balut aabuloyan a natalo iray totoon matonung.

Saray Salmo 62:5

Say Dios labat so panmamatalkan ko; sikatoy paniilaloan ko.

Isaias 1:25

Walay gawaen ko sumpad sikayo. Linisan ta kayon singa panagpalba ed mital, tan ekalen koy amin a dotak yo.

Isaias 48:10

Sinubok ta kayod apoy na kairapan, singa pakalinis na pilak ed palbaan. Balet apapaway kon andi-kakanaan kayo.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Jeremias 6:27

Jeremias, subok mo ray totook, a singa panggugol mod mital; subok mo ra, ta nengneng mo no antoy kapara ra.

Oseas 4:1

Say Katawan walay dalem to sumpad saray totoon manaayam ed sayan dalin. Dengel ka, Israel ed kuanto: “Diad sayan dalin anggapoy katooran odino panangaro na saray totoo, tan ag da ak bibirbiren a Dios.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Malakias 3:3

Sikatoy onsabi a manintinsia a singa toon mamasileng tan malinis ed pilak. No panoy pamapasileng na platiro ed pilak tan balituk, ontan met so panlilinis na Katawan ed saray papari, pian mangyakar irad Katawan na manepeg iran bagat.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

1 Pedro 4:12

Inararo, ag yo nepeg a pankelawan tan ipasen a nidoma-doman bengatla so ansakisakit a pananubok a liliknaen yo.