Jeremias 9:24 - Maung A Balita Biblia

²⁴ No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Maung a Balita Biblia

²⁴ No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.

Jeremias 9:24 Iomraidhean Croise

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Salmo 34:2

Idayew koy Katawan lapud saray ginagawa to; ondengel tan manggayaga komun iray maniirap!

Saray Salmo 34:3

Ibaan yo ak a mangitandurod Katawan; mankakasakey itayon mangidayew ed ngaran to!

Saray Salmo 44:8

Idayew mi ka lawas, tan angga anggan misalamat kamid sika.

Saray Salmo 44:9

Balet, natan, impolisay tan impatalo mo kami; ag mo la oolupen iray sondalo mi.

Saray Salmo 51:1

Kasian mo ak pa, O Dios, lapud ag mangoman a panangarom; ponasan mo pa ray kasalanan ko, lapud daakan a panangasim!

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Salmo 99:4

Makapanyarin ari, inarom so inkatonung; inletneg moy inkatonung ed Israel; inawit moy kaptekan tan kaalasan.

Isaias 20:5

Saray nanmatalek ed Sudan tan saray angikinon ed Egipto et nabaingan ira tan naekalan iray ilalo.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Lucas 10:22

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.”

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

1 CORINTO 1:31

Kanyan sirin, onung na ibabagay Masanton Sulat, “Siopamay mampasirayew, saray ginagaway Katawan so nepeg ton ipasirayew.”

2 CORINTO 10:17

Balet onung na ibabagay Masanton Sulat, “Siopamay mampasirayew, saray ginagaway Katawan so ipasirayew to.”

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

FILIPOS 3:3

Ta aliwan sikara, no ag ingen sikatayo so angawat na tuan segat, ta igagalang tayoy Dios diad panangiwanwan na Ispiritu to, tan manliliket itayod pikakasakey tid Cristo Jesus. Ag tayo panmamatalekan iray nanengneng a totontonen.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.