Jeremias 9:22 - Maung A Balita Biblia

²² Ataytayak iray bangkay na saray totoo, singa ra nikaykayat a tai na ayayep ed kaalogan, singa ra ginapas tan intilak na saray umaani, tan anggapoy manipon na ilik. Sikato yay papaibaga na Katawan ed siak.”

Maung a Balita Biblia

²² Ataytayak iray bangkay na saray totoo, singa ra nikaykayat a tai na ayayep ed kaalogan, singa ra ginapas tan intilak na saray umaani, tan anggapoy manipon na ilik. Sikato yay papaibaga na Katawan ed siak.

Jeremias 9:22 Iomraidhean Croise

2 Saray Arari 20:13

Maliket si Ezekias ya angawat ed saramay imbaki tan impanengneng ton amin iray kayamanan to—saray pilak tan saray balituk to, saray rikado tan saray pabalingit to, tan amin a kagawaan na saray sondalo to. Anggapoy ag to impanengneng ed sikara a bengatlan walad saray kuarton panagsinupan odino walad anggan iner a pasen na nanarian.

2 Saray Arari 20:15

“Antoy anengneng dad palasio?” tepet nen Isaias. “Anengneng dan amin. Anggapoy ag ko impanengneng ed sikara a bengatlan walad saray kuarton panagsinupan,” ebat nen Ezekias.

2 Saray Arari 9:37

Nabuybuyak a singa dotak so bangkay to tan anggapoy makabirbir ed sikato.’”

Saray Salmo 49:7

Ag nayariay too a dondonen toy sikaton dili; ag to nabayaran ed Dios so bilay to,

Saray Salmo 83:10

Tinalom irad Endor, tan aboluk-boluk ed dalin iray bangkay da.

Probirbio 18:11

Abaloan na saray mayaman a say kayamanan da so mangyaagel ed sikara, a singa say atagey tan mabiskeg a padir ya akaliber ed siudad.

Probirbio 23:4

Makabat ka no ag ka mankekesaw na alabas ed pampapayaman mo.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 6:21

Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Jeremias 7:33

Magmaliw a kanen na saray manok tan saray ayayep ed katakelan iray bangkay, tan anggapoy manibwak a manaktakot ed sikara.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Habacuc 1:11

Insan onlalabas iran singa dagem tan nanaandi la ra, sarayan totoo a dios da so pakayari ra.”

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.