Jeremias 8:6 - Maung A Balita Biblia

⁶ Tinmalineng ak a maung, balet aliwan katwaan iray sinalita yo. Anggapoy anggan sakey ed sikayon maermen ed kaogsan to; anggapoy anggan tinmepet, ‘Antoy ginawak a kaogsan?’ Balang sakey itutuloy toy dilin kabibilay to, singa sakey a kabayon maples ya ombabatik ya onlad bakal.

Maung a Balita Biblia

⁶ Tinmalineng ak a maung, balet aliwan katwaan iray sinalita yo. Anggapoy anggan sakey ed sikayon maermen ed kaogsan to; anggapoy anggan tinmepet, Antoy ginawak a kaogsan? Balang sakey itutuloy toy dilin kabibilay to, singa sakey a kabayon maples ya ombabatik ya onlad bakal.

Jeremias 8:6 Iomraidhean Croise

Say Libro nen Job 10:2

Ag mo ak kari dudusaen, O Dios. Ibagam pad siak no antoy ipapakasalanan mod siak.

Say Libro nen Job 34:31

Job, impatuam lad Dios iray kasalanan mo tan insipan mon ag ka la mankasalanan lamet?

Say Libro nen Job 34:32

Kinerew mo lad Dios ya ipanengneng tod sika ray kasalanan mo, tan akipakna kan tondaan mo lay panggawam na kaogsan?

Saray Salmo 14:2

Manlapud tawen oosdungan na Katawan iray katoowan, ta labay ton nengnengen no wala ra kasiy makalakal, no wala kasiy mangigagalang ed sikato.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Jeremias 23:25

Amtak so imbabagbaga na saraman a propita a nampropropisiya na tila ed ngaran ko tan ipapapasen da a walay sinalitak ed sikara diad panamegley na saray kogip da.

Jeremias 3:5

Ag ka mamasnuk lawas; aliwan ando lan ando so petang na olom.’ Israel, sikato tan so inkuanmo, balet nanggagawa kay kaogsan ed anggaay nayarian mo.”

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

Daniel 9:11

Sinumlang na amin ya Israelita iray ganggan mo tan ag da nilabay a dengelen so imbagam. Nankasalanan kamid sika, kanyan impelag mod sikami iray samban nisulat ed Ganggan nen Moises ya aripen mo.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Sofonias 3:7

Ninunot kod saman ya ag la pigan saray totook et pagalangan da ak tan awaten day panametek ko, tan ag dan balut nalingwanan iray imbangat kod sikara. Balet ag abayag maoges lamet so kagagawa ran singa gendat.

Aggeo 1:5

Ag yo ta nanaimanoy nagagawad sikayo?

Aggeo 1:7

Ag yo amtay makasengeg no akin onyay nagagawa?

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.