Jeremias 8:5 - Maung A Balita Biblia

⁵ Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Maung a Balita Biblia

⁵ Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Jeremias 8:5 Iomraidhean Croise

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Jeremias 3:5

Ag ka mamasnuk lawas; aliwan ando lan ando so petang na olom.’ Israel, sikato tan so inkuanmo, balet nanggagawa kay kaogsan ed anggaay nayarian mo.”

Jeremias 5:27

Singa sakey ya umaanop a papanoen toy kolungan to na saray manok, pinano da ray kaabungan da na saray asamsam. Sikato yay makasengeg a makapanyari tan mayaman ira,

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 6:17

Anoro so Katawan na saray totoon managbantay a mandengel ed pasakbay na tanul na trumpita. Balet inkuanda, “Ag kami ondengel.”

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Daniel 9:11

Sinumlang na amin ya Israelita iray ganggan mo tan ag da nilabay a dengelen so imbagam. Nankasalanan kamid sika, kanyan impelag mod sikami iray samban nisulat ed Ganggan nen Moises ya aripen mo.

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Oseas 11:7

Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Zacarias 7:11

“Balet anawet so olo da ray totook; ag ira dinmengel. Kinaputan day isip da.

Juan 5:40

Balet, ag yo labay so onsingger ed siak pian nawalaan kayoy bilay.

1 TESALONICA 5:21

Subok yoy amin a bengatla tan pili yo ray maung.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Puyan 2:25

Balet pansiansia yo ya anggad isabik iray kamaungan a walad sikayo.