Jeremias 8:4 - Maung A Balita Biblia

⁴ Say Katawan imbaga tod siak ya ikuankod saray totoo to iray salita to, “Wala tay natumba ya ag ombangon? Wala tay nabalang ya ag ompawil ed nanlapwan to?

Maung a Balita Biblia

⁴ Say Katawan imbaga tod siak ya ikuankod saray totoo to iray salita to, Wala tay natumba ya ag ombangon? Wala tay nabalang ya ag ompawil ed nanlapwan to?

Jeremias 8:4 Iomraidhean Croise

1 Saray Arari 8:38

dengel mo pa ray pikakasi ra. No siopaman ed saray totoom ya Israelita, odino amin da, et iyonat day kalimaan da ed sayan Timplo diad pampikasi ra lapud impapuson ermen da,

Probirbio 24:16

Anggan mamimpigay katumba na toon maptek so panagbilay to, ombangon ya ombangon. Balet say toon maoges deral so onsasabid sikato.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.”

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Ezekiel 18:23

Abaloan yo a maliket ak a makanengneng ed maoges a too ya ompatey?” tepet na Katawan a Dios. “Andi, labay ko nin sikatoy nanengneng kon magbabawi tan mambilay.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Amos 5:2

Atumba la so birhin ya Israel, Ag lan balut makabangon! Ataynan ed dalin, Anggapoy ontulong a mamangon ed sikato.

Mikias 7:8

Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.