Jeremias 8:2 - Maung A Balita Biblia

² Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Maung a Balita Biblia

² Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Jeremias 8:2 Iomraidhean Croise

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 21:3

Pinasimbalo ton impaalagey iray paganon pasen a panangigalangan a dinederal nen Ezekias ya ama to; nanggagawa na saray altar a panangigalangan ed Baal, tan nanggawa na talintao nen Asera, a singa samay ginawa nen Ari Acab na Israel. Inggalang met nen Manases iray bitewen.

2 Saray Arari 21:5

Diad duaran patio na Timplo nanggawa na saray altar a pangigalangan ed saray bitewen.

2 Saray Arari 23:5

Inekal tod kimey iray kinonsagra na saray ararid Juda a papari a mambagat ed saray paganon altar diad saray siudad na Juda tan diad saray pasen ya asingger ed Jerusalem—amin da ray paparin angibagat ed Baal, agew, bulan, saray planita, tan saray bitewen.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Saray Salmo 83:10

Tinalom irad Endor, tan aboluk-boluk ed dalin iray bangkay da.

Saray Salmo 83:11

Gawam pad saray pangulo ra so ginawam ed kindi Oreb, tan Zeeb; talom ya amin iray manoley da a singa impanalom ed kindi Zeba tan Zalmuna,

Ecclesiastes 6:3

Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.

Jeremias 14:16

Saray totoon angibagaan dad sarayan bengatla et napatey met ira ed panamegley na bakal tan eras. Nibantak ed saray dalan na Jerusalem iray bangkay da, tan anggapoy toon mangipompon ed sikara. Nagawa ya ed sikaran amin—pati saray kaasawaan da, saray lalakin anak da, tan saray bibiin anak da. Pambayaren ko rad saray kaogsan da.”

Jeremias 16:11

Insan mo ibagad sikara a say Katawan inkuanto, ‘Saray lalaki yo inkaindan da ak tan nanlingkur tan angigalang irad arum a diriyos. Inkaindan da ak tan ag da inonur iray bangat ko.

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 16:6

Ompatey ed sayan dalin iray mamayaman tan saray mairap-bilay, balet anggapoy manermen odino mangipompon ed sikara. Anggapoy manggerger na laman odino mangiskis na olo to a pangipanengneng toy paneermen to.

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

Jeremias 22:19

Singa kipompon na sakey ya asno so kipompon to, sikatoy nigayugoy tan nibantak ed paway na saray puirta na Jerusalem.”

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 31:40

Say intiron patar na pomponan ed saray bangkay tan bantakan na dotak, tan amin a kaalogan ed pandel na Kolus na Cedron ya anggad Puirta na Kabayo et magmaliw iran masanton pasen ed siak. Ag lan balut nigeba odino naderal yan siudad.”

Jeremias 36:30

Kanyan sirin, siak, say Katawan, kuankod sika, Ari Joakim, ya anggapoy kabyangay boleg mo a makapanoley ed nanarian nen David. Say bangkay mo nibantak ed pataktak a napetangan no agew tan nabetelan no labi.

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Jeremias 9:22

Ataytayak iray bangkay na saray totoo, singa ra nikaykayat a tai na ayayep ed kaalogan, singa ra ginapas tan intilak na saray umaani, tan anggapoy manipon na ilik. Sikato yay papaibaga na Katawan ed siak.”

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.

Ezekiel 39:5

Ompatey iran kibalatar ed maawang ya alog. Siak a Katawan a Dios so nansalita.

Ezekiel 6:5

Itaytayak ko ray bangkay na saray totood Israel; itaytayak kod kaliber-liber na saray altar iray pokepokel da.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Saray Gawgawa 7:42

Lapud sayan ginawa ra, imbeneg iray Dios tan pinaolyan to ran mangigalang ed saray bitewen ed tawen, onung na nisulat ed libro da ray propita: ‘Totood Israel, aliwan siak so angisaklangan yod saray pinapatey tan imbabagat yon ayayep legan yon walad kalawakan ed loob na apataploy taon.

Deuteronomio 17:3

diad panamegley na pangigagalang tan panlilingkur tod saray diriyos odino diad agew odino diad bulan odino diad saray bitewen, a sumlang ed ganggan na Katawan,

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.