Jeremias 8:14 - Maung A Balita Biblia

¹⁴ “Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Maung a Balita Biblia

¹⁴ Akin et wadya itayon manyodyorung ya ag onggalaw? tepet na saray totooy Dios. Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Jeremias 8:14 Iomraidhean Croise

2 Samuel 20:6

Kanyan inkuan na ari ed kinen Abisai, “Mapalalo nin gunigon so iter nen Seba nen si Absalom. Alam iray totook ta osilan yo, ta no andi onloob ed pigaran baley ya aliber na padir insan to tayo la ibatikan.”

Saray Salmo 39:2

Nandeen ak tan ag ak inmeseesel; ag ak nansalita na anggan say nipaakar ed kamaungan! Balet lalon mandenden so kairapan ko,

Saray Salmo 69:21

Nen narasan ak, initdan da ak na samal; nen napgaan ak, initdan da ak na toka.

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Jeremias 14:20

Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 23:15

“Kanyan sirin, siak, say Katawan a Makapanyarin-amin, kuanko nipaakar ed saray propita ed Jerusalem: Pakanen ko ray ampait a tanaman, tan painomen ko ra na samal a danum, lapud inkayat dad intiron dalin so kaogsan.”

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 35:11

Balet nen nilooban nen Ari Nabucodonosor so bansa, ginetma miy onlad Jerusalem pian nibatikan mi ray taga Babilonia tan saray sondalon taga Siria. Sikato yay makasengeg no akin et manaayam kami diad Jerusalem.”

Jeremias 9:14

Anawet so olo ra, kanyan inonur day labay dan dili. Inggalang da ray talintao nen Baal onung na imbangat na saray lalaki ra a gawaen da.

Jeremias 9:15

Kanyan dengel kad ibagak a gawaen ko, siak a Makapanyarin-amin a Katawan, say Dios na Israel. Itdan ko ray totook na saray ampait a tanaman a kanen da. Itdan ko met iray makasamal a danum ya inomen da.

Saray Tagleey 3:19

Ampait ya apgo so pakanunot kod kairapan a liliknaen ko, tan say inkaandian koy abung.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Amos 6:10

Say kanayon na too a sikatoy makaoley ed tolur et ipaway tod abung so bangkay. Samay kanayon ontawag ed siopaman ya atilak ed abung, “Wala nid tay atilak a kaibam?” Say too onebat, “Anggapo!” Insan samay kanayon kuanto, “Ag ka maknul! Nepeg tayoy manalwar; ag tayo nepeg a bitlaey anggan ngaran na Katawan.”

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Mateo 27:34

Initdan dad may Jesus na alak a nilaukay apgo. Balet nen atimtiman to, ag to labay ya inomen.

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Deuteronomio 32:32

Saray kalaban dan maoges a singa saray totood Sodoma tan Gomorra et singa ra saray wakal na ubas a mambunga ray ampait tan makasamal,