Jeremias 8:11 - Maung A Balita Biblia

¹¹ Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Maung a Balita Biblia

¹¹ Gagalgalawen day pananambal dad sugat na saray totook; kuanda, Maung ya amiy kipapasen, anta andi.

Jeremias 8:11 Iomraidhean Croise

1 Saray Arari 22:13

Legan to ya, samay opisyal a mangaawit ed kinen Micaya inkuantod sikato, “Aligwas na ari so impropisiya na amin da ray arum a propita, kanyan onya met so ipropisiyam.”

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

Jeremias 14:13

Insan inkuanko, “Katawan a Dios, amtam ya ibabaga da ray propita ed saray totoo ya anggapoy ondalan a bakal odino eras, ta kuandan insipan mo a manari labat so kareenan ed dalin tayo.”

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 8:15

Nampilalek itayod kareenan, balet anggapoy naalagar tayo; nanalagar—tayoy panaon na pakatambal, balet takot lalaingen so sinmabi.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.