Jeremias 7:7 - Maung A Balita Biblia

⁷ No sumpalen yo ra ya, abuloyan ta kayon manayam ed sayan dalin ya inter kon magnayon a kayaryan na saray lalaki yo.

Maung a Balita Biblia

⁷ No sumpalen yo ra ya, abuloyan ta kayon manayam ed sayan dalin ya inter kon magnayon a kayaryan na saray lalaki yo.

Jeremias 7:7 Iomraidhean Croise

2 Saray Awaran 33:8

No onuren na saray totood Israel ya amin iray bilin ko, tan sumpalen day intiron Ganggan ya inter ed sikara nen Moises ya aripen ko, ag ko ra abuloyan a napataynan ed dalin ya inter kod saray lalaki ra.”

Exodo 22:22

Ag yo papairapen so siopaman a balon bii odino siopaman ya olila.

Isaias 1:19

No onuren yo ak, kanen yo ray maabig a bengatlan bungay dalin.

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Jeremias 26:13

Nepeg yo sirin so mangoman na panagbilay yo tan saray bengatlan gagawaen yo, tan onur yo la so Katawan a Dios yo. Diad ontan, sikatoy mangoman ed kanununotan nipaakar ed paneral tod sikayo.

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Sofonias 3:7

Ninunot kod saman ya ag la pigan saray totook et pagalangan da ak tan awaten day panametek ko, tan ag dan balut nalingwanan iray imbangat kod sikara. Balet ag abayag maoges lamet so kagagawa ran singa gendat.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”