Jeremias 7:6 - Maung A Balita Biblia

⁶ Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Maung a Balita Biblia

⁶ Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Jeremias 7:6 Iomraidhean Croise

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Saray Salmo 106:38

Pinapatey da ra man ya ogogaw ya anggapoy kasalanan, et arotakay dalin lapud saman ya impanpapatey da.

Probirbio 23:10

Ag mon balut iyaalis so daan a ketegan, odino sasakopen so dalin da ray olila.

Isaias 59:7

Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 19:4

Gawaen ko ya, lapud inkaindan ak na saray totoo tan dinotakan da yan pasen diad impangibabagat da dia ed saray arum a diriyos—saray diriyos ya ag da kabat, sikara, saray lalaki ra, o saray ararid Juda. Sayan pasen dinelap da na dala da ray anggapoy kasalanan a totoo,

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Jeremias 26:23

Manlapud Egipto inyakar dad kinen Ari Joakim si Urias; impapatey nen ari insan to impaibantak so bangkay to ed panangipomponan ed saray karaklan.)

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Jeremias 7:5

“Pasimbalo yoy panagbilay yo tan tondaan yo ray gagawaen yo. Matonung komuy panoolup na sakey tan sakey ed sikayo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 18:6

Sayan too et ag mangigagalang ed saray talintaoy diriyos na saray Israelita odino mamangan na saray imbagat ed saray aliwan manepeg ya altar. Ag to pandadaleman na aro so asawa na kapara ton too odino miaakdul ed biin peles a naliliberan.

Ezekiel 22:7

Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.

Levitico 19:33

“Ag yo panggagawaan na makapoy iray sangkailin manaayam ed dalin yo.

Levitico 25:17

Ag yo sasaolen so kapara yon Israelita, no ag ingen takotan yo so Katawan a Dios yo.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Mateo 27:25

Inmebat iray totoo, “Sikami tan saray anak mi so onebat ed ipatey to!”

Mateo 27:4

“Nankasalanan ak, ta inyawat kon papatey so toon anggapoy kasalanan!” inkuanto. “Antoy pibabalian mi? Sikay akaoley ed satan!” inebat da.

Deuteronomio 11:28

balet samba, no sumlangen yo ra yan ganggan diad pangigalang yod arum a diriyos ya ag yo ra angigalangan nen saman.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Deuteronomio 27:19

“‘Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo.’ “Insan onebat iray amin a totoo, ‘Amen!’

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.