Jeremias 7:23 - Maung A Balita Biblia

²³ Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Maung a Balita Biblia

²³ Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Jeremias 7:23 Iomraidhean Croise

Say Libro nen Job 36:11

No oonuren day Dios tan panlilingkuran da, mambilay irad kareenan tan aligwas legan na pambibilay da diad tapew na dalin.

Saray Salmo 119:3

Ag iran balut manggagaway maoges; mankukurang irad saray dalan na Katawan.

Saray Salmo 40:6

Ag mo labay iray bagat tan saray saklang; ag mo kekerewen iray bagat a popoolan o saray bagat a para kasalanan. Initdan mo ak ingen na layag a pandengel kod sika,

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 16:32

Inkuanen Moises, “Say Katawan ingganggan to a mangisinup itayo na pigaran mana a para saray mantombuk a kabyangay boleg tayo, pian nanengneng da so kakanen ya inter tod sikatayod kalawakan nen impaway to itayod Egipto.”

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Jeremias 11:7

Nen impaway ko ed Egipto iray lalaki ra, masimoon ko ran pinasakbayan ya onuren da ak. Insan ko intutuloy a pinapasakbayan iray totoo ya anggad natan.

Jeremias 13:11

Kanyan no panoy kaelet ed awak yan potut a pantalon, ontan met so kaelet a labay kon nepeg ya ipeket ed siak na amin a totood Israel tan Juda. Onyay ginawak pian magmaliw iran totook, tan mangiter iray dayew tan galang ed ngaran ko; balet ag da ak inonur.”

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Jeremias 42:6

Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.”

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Zacarias 7:7

Sikato yay imbaga na saray inmonan propita sanen maaligwas so Jerusalem tan sikatoy napno na saray totoo tan sanen amayamay iray totoo a manaayam ed saray baley a kaliber-liber na siudad tan diad bandad abalaten tan diad alusadsar na kapokdulan ed bandad sagur.

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

2 CORINTO 10:5

igegeba miy panagpaatagey ya onsumlang ed kakabatay Dios. Pasusukoen miy balang kanunotan tan patotoluken mid Cristo.

Deuteronomio 11:27

bindision no onuren yo ray ganggan na Katawan a Dios yo a iiter ko rad sikayo natan;

Deuteronomio 13:4

Tombuk yo so Katawan tan takotan yo; toluk tan sumpal yo ray ganggan to; igalang yo tan mansiansia kayod sikato.

Deuteronomio 13:5

Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Deuteronomio 30:2

No sikayo tan saray kabyangay boleg yo et ompawil kayod Katawan tan masimsimoon yo lan onuren ira yan ganggan to ya iiter kod sikayo natad sayan agew,

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 30:8

et tuloken yo lamet tan onuren yo ray amin a ganggan to ya iiter kod sikayo natad sayan agew.

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.