Jeremias 7:19 - Maung A Balita Biblia

¹⁹ Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Maung a Balita Biblia

¹⁹ Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 7:19 Iomraidhean Croise

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

Say Libro nen Job 35:6

No mankasalanan ka, ag nasakitan so Dios. No mamimpiga-piga kan manggaway kaogsan, liknaen kasi na Dios?

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Isaias 45:16

Nabaingan ya amin iray managgaway talintaoy diriyos; napelag iran amin ed kababaingan.

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Jeremias 22:22

Isiplug na dagem iray pangulo yo, nadakep a prisod bakal iray kagampi yo, napelag ed kababaingan so siudad yo tan nabaingan, lapud saray amin a maoges a ginagawa yo.

Jeremias 25:7

Balet say Katawan a dili imbaga to a sikatoy ag yo dinengel. Ingen impanpasnuk yo diad panamegley na saray talintaoy diriyos yo, kanyan sikayon dili so nanlapwan na sayan panudusa tod sikayo.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 44:3

lapud saray totoon manaayam ed saraman a siudad et nanggagawa ray kaogsan tan impanpasnuk da ak. Nambabagat irad saray arum a diriyos tan nanlilingkur irad saray diriyos ya ag da kabat, odino sikayo, odino saray lalaki yo.

Jeremias 8:19

Dengel kayo! Diad intiron bansa narerengel koy pambabando na saray totook, “Anggapo lad Sion so Katawan? Andi lad man so ari na Sion?” Inmebat so Katawan ya ari ra, “Akin et impanpasnuk yo ak diad impangigalang yod saray talintaoy diriyos yo tan diad indakmomo yod saray kayaryan yon andi-kakanaan a diriyos na arum a bansa?”

Jeremias 9:19

Dengel moy panaakisan da ray totoo ed Sion: “Aderal-deral itayo! Sigput a naplag itayod kababaingan! Nepeg tin taynan so dalin tayo; aderal-deral tan atumtumba iray kaabungan tayo.”

Ezekiel 16:26

Akikiakdul ka met ed saray Egipsio, saray kaabay mon maarod liket na laman, tan lapud impanbibilay mon marotak impanpasnuk mo ak.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Deuteronomio 32:16

Lapud impangigalang dad saray arum a diriyos angimon so Katawan; akapasnuk lapud saray ginagawa ran kaogsan.