Jeremias 6:28 - Maung A Balita Biblia

²⁸ Diad gaway awet na olo ran amin onlalaban ira; liber-liber iran mantatalabutob. Anawet a singa gansa tan balatyang so kapusoan da; marotak so kagagawa ran amin.

Maung a Balita Biblia

²⁸ Diad gaway awet na olo ran amin onlalaban ira; liber-liber iran mantatalabutob. Anawet a singa gansa tan balatyang so kapusoan da; marotak so kagagawa ran amin.

Jeremias 6:28 Iomraidhean Croise

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Saray Salmo 50:20

Sipaparaan kayon mangakusad saray dilin agagi yo tan mamakasalanan ed sikara.

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Isaias 31:6

Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 5:23

Balet sikayo ran totoo! Anawet so olo yo tan mananumpa kayo; imbeneg yo ak, insan yo ak tinaynan.

Jeremias 6:30

Natatawag iran andi-kakanaan a pilak, ta siak, say Katawan, impolisay ko ra.”

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Levitico 14:43

No nabootan lamet imay abung kayarin nakal la ra may bato tan say palitada tan apalitadaan lay balo,

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”