Jeremias 6:21 - Maung A Balita Biblia

²¹ Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.”

Maung a Balita Biblia

²¹ Kanyan, siak, say Katawan, mangyan ak na pakatiroran pian natumba ra yan totoo. Ompatey iray ama tan saray anak; ontan met ed saray kakaaro tan saray kakaabay.

Jeremias 6:21 Iomraidhean Croise

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Isaias 8:14

Lapud ontan lan kinasantok singa ak sakey a baton pakapatakbaan na saray totoo; singa ak patit a pakaerelan ed saray totoon kabyangan na saray nanarian na Juda tan Israel tan saray totood Jerusalem.

Isaias 8:15

Amayamay iray niparokul; natumba ra tan napoter ira. Naerel irad patit.”

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Ezekiel 3:20

“No manggaway kaogsan so sakey a toon peteg a matonung tan ipapasen kod maatap a kipapasen, ompatey no ag mo pasakbayan. Ompatey lapud saray kasalanan to—ag ko nunoten iray kamaungan a ginagawa to—tan singilen ta ka lapud impatey to.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Levitico 26:37

Mantatabunan kayod katumba yo ya anggan anggapoy onoosil ed sikayo, tan ag yo nalabanan iray kalaban yo.

Saray Taga Roma 11:9

Inkuan met nen David, “Magmaliw komun a patit tan kalut iray pista ra; natumba tan nadusa komun ira!

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.