Jeremias 6:20 - Maung A Balita Biblia

²⁰ Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Maung a Balita Biblia

²⁰ Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Jeremias 6:20 Iomraidhean Croise

2 Samuel 15:12

Nen mangibabagat si Absalom, angibakid baley na Gilo na mangawit ed kinen Ahitofel a sakey ed saray managsimbawa nen Ari David. Binmiskeg so komplut a sumpad ari, tan dinmakel iray akiolup ed kinen Absalom.

1 Saray Arari 10:10

Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to. (

Saray Salmo 40:6

Ag mo labay iray bagat tan saray saklang; ag mo kekerewen iray bagat a popoolan o saray bagat a para kasalanan. Initdan mo ak ingen na layag a pandengel kod sika,

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Exodo 30:23

“Mangala ka na saray sankaabigan a rikado—anemiran kilo ya onturon mira, taloran kilon ambalingit a kanila, taloran kilon ambalingit a kania,

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Isaias 1:11

Kuanto, “Say abaloan yo labay ko ray bagat ya itutuloy yon isasaklang ed siak. Andi! Sinmawa ak la ed saray popoolan yon bagat tan saray taba na saray sankaabigan ya ayayep yo. Ag ko la labay so dala da ray bakan kalakyan, saray karniro tan saray kanding.

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Ezekiel 27:22

Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 9:4

Diad saraman a dalin a kibantakan da, ag da nayariay mangibagat na alak ed Katawan odino mangisaklang na arum ni ran bagat ed sikato. Say tagano ra et singa kakanen no tolur, a dotakan toy balang sakey a mangan. Ikana a panempey labat na eras; anggapoy nayarin iyakar ya ibagat ed Timploy Katawan.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.