Jeremias 6:16 - Maung A Balita Biblia

¹⁶ Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Maung a Balita Biblia

¹⁶ Inkuan na Katawan ed saray totoo to, Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan. Balet inkuanda, Ag kami ondalan ed satan!

Jeremias 6:16 Iomraidhean Croise

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

2 Saray Awaran 19:11

Si Amarias a Pangulon Pari so makaoley ed amin a kason nipaakar ed Katawan. Si Zebadias a lakin anak nen Ismael tan gobirnador na Juda so makaoley ed amin a kason nipaakar ed gobirno. Saray Levita so makaoley ed pakagawa na saray sintinsia na korti. Pabiskeg yoy linawa yo tan tombuk yo ra yan bilin; pilaan komun na Katawan iray matonung!”

Saray Salmo 116:7

O kamarerwak, manmatalek ka, ta maung ed siak so Katawan.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 28:12

Imbaga to ya itdan to kayon amin na inawa tan ligliwa, balet ag kayo dinmengel ed sikato.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Isaias 46:9

Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 57:2

Ta diad ipatey na saray totoon matonung nagamuran day kareenan tan inawa.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Jeremias 12:16

No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Jeremias 18:12

Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 31:21

Mangyan kayo ray tanda tan pakapatnagan ed dalan; anap yo may dinalan yo. Pawil kayo, sikayon totood Israel, sempet kayod saray baley a tinaynan yo.

Jeremias 42:3

Pikasim pa a say Katawan a Dios tayo et ipanengneng tod sikami so nepeg min laen tan gawaen.”

Jeremias 44:16

“Ag mi labay a dengelen iray salitam, saray salitan imbagam ed ngaran na Katawan.

Jeremias 50:5

Tepeten da no iner so dalan ya ompogtad Sion, insan irad man onla. Misipanan ira na andi-anggaan ed siak tan ag dan balut la deralen.

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Lucas 16:29

Balet inkuanen Abraham ed sikato, ‘Wala ra di Moises tan saray propita a mamasakbay ed sikara. Paolyan mo ray agagim ya ondengel ed sikara.’

Juan 12:35

Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Juan 13:17

Natan ta amta yo la ra ya, maliket kayo na gawaen yo ra.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Saray Taga Roma 4:12

Ontan met a sikatoy ama da ray asegat, aliwan lapu labat ta asegat ira, no ag lapud anisia ran singa si Abraham kasakbayan ya asegat.

Deuteronomio 32:7

“Nunot yo so apalabas, say abaybayag lan panaon nen saman; tepet yod kaamaan yo ta ibaga rad sikayo so agawa, tepet yod saray mamasiken ta ibaga rad sikayo so agawad apalabas.

COLOSAS 2:6

Bangta inawat yo lan Katawan si Cristo Jesus, mambilay kin sikakasakey ed sikato.

Saray Hebreo 11:2

Lapud pananisia, saray totoo nen inmona ran panaon nala ray maung a linawa na Dios.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

Saray Huis 2:17

Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.