Jeremias 6:15 - Maung A Balita Biblia

¹⁵ Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Maung a Balita Biblia

¹⁵ Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.

Jeremias 6:15 Iomraidhean Croise

Genesis 19:34

Nen ontombuk ya agew inkuanto may pangulowan, “Inakdulan ko kalabyan si ama ta; bueken ta lamet ed sayan labi, tan gawam so singa ginawak. Nawalaan tad satay sansakey ya anak.”

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Jeremias 14:15

Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Jeremias 23:12

Andanglel tan ambilonget so dalanen da; pakaronyasen tan patumbaen ko ra. Iyakar kod sikaray deral; onsasabiy panaon na kadusa ra. Siak, say Katawan, so nansalita.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Jeremias 44:10

Balet anggad natan ag kayo ni nampaabeba. Ag yo ak ni papagalangan tan ag kayo ni mambibilay onung ed saray ganggan ya inter kod sikayo tan saray lalaki yo.

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Jeremias 5:9

Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 8:9

Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Ezekiel 13:14

Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.

Ezekiel 2:4

Anawet so olo ra tan ag da ak gagalangen, kanyan ibabaki ta kan mangibagad sikara na labay kon ibagad sikara, siak a Katawan a Dios.

Ezekiel 24:7

Walay impanpapatey na too ed siudad, balet aliwan diad dalin so akaibungan na dala a komun natabunan na dabuk; dia ingen ed tapew na baton-dampay so akaibungan to.

Oseas 4:5

Labi-agew a manggagawa kayoy kaogsan; ontan da met iray propita. Deralen ko so Israel ya ina yo.

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Mikias 7:4

Anggan say sankamaungan tan sankatonungan ed sikara et singa la andi-kakanaan a dika. Sinmabi lay agew a dusaen na Dios iray totoo, onung na pasakbay ed sikara na saray managbantay ed sikara, salanti saray propita. Agolo-golo la ra natan.

Sofonias 2:1

Sikayon totood andi-baing a bansa, mankakasakey tan mantitipon kayo,

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.