Jeremias 6:13 - Maung A Balita Biblia

¹³ Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Maung a Balita Biblia

¹³ Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 6:13 Iomraidhean Croise

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Jeremias 2:26

Say Katawan kuanto, “No panoy pakapelag ed kababaingan na matakew no narel, ontan met so pakapelag yod kababaingan, sikayon totood Israel—saray arari tan opisyal yo, saray papari tan propita yo.

Jeremias 2:29

Antoy riklamom? Akin et sinumpa mo ak?

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Jeremias 22:17

Balet, sika, anggapoy arum a pampipilalekan mo no ag say pankaabigan mon dili; papateyen mo ray anggapoy kasalanan, tan maruksay pamapairap mod saray totoom. Say Katawan so nansalita.

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 23:11

Say Katawan kuanto, “Anggapoy Dios da iray propita tan saray papari; apesgaan ko ran manggagaway kaogsan ed dalem na Timplo.

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Jeremias 42:1

Insan amin da ra may pangulo na sondalo, pati si Johanan a lakin anak nen Carea tan si Azarias a lakin anak nen Hosaya tan saray totoon nandoromay kipapasen da, et linma rad siak

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

1 Timoteo 3:3

Nakaukolan met ya aliwan buanges, aliwan maigaganon mangabil, no ag ingen maoyamo, labay toy mareen a bilay, tan aliwan lupay kuarta.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!