Jeremias 6:12 - Maung A Balita Biblia

¹² Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Maung a Balita Biblia

¹² Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Jeremias 6:12 Iomraidhean Croise

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 21:5

Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 38:22

Anengneng kod samay pasingayew ya amin da ray bibiin atilak ed palasio ed Juda et niyaakar la rad saray opisyal na ari na Babilonia. Dengel moy ibabaga ra legan dan oonla. ‘Say ari pinalikdo na saray malet a kakaaro to, naonur so labay da nen say labay to. Natan ta linmereg lad pitek so sali to, tinaynan la na saray kakaaro to.’”

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Jeremias 8:10

Kanyan iter kod arum a lalaki so kaasawaan da, tan saray kaalogan da iter ko met ed saray arum ya akankien. Balang sakey, abeba may atagey so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Saray Tagleey 3:3

Tan andi-panangasin binabakbak to ak lan binabakbak.

Saray Tagleey 5:11

Diad dilin Palandey na Sion apasoot iray kaasawaan mi; diad saray bario na Juda nalnalay inkabii da ray mamarikit mi.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Saray Tagleey 5:3

Pinapatey na kalaban iray kaamaan mi; balo la natan iray kainaan mi.

Ezekiel 35:3

Ibagam ed saray totood man so ibabagak, siak a Katawan a Dios: “Siak so kalaban yo, sikayon kapalandeyan na Edom! Pagmaliwen ta kayon andi-kakanaan tan begtebegtew a dalin.

Ezekiel 7:24

Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.

Mikias 2:4

No onsabiy tan a panaon, tongtongen na saray totoo a sakey ya alimbawa so inkaderal yo tan kantaen da yan kanta na ermen a nipaakar ed inkagawa yo: Sigput kamin aderal! Inala na Katawan so dalin mi Tan inter tod saray anakep ed sikami.”

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Sofonias 1:4

“Dusaen ko ray totood Jerusalem tan amin a totood Juda. Paandipaten kod man ya amin iray pakanengnengan na panangigalang ed kinen Baal, et anggapo lad satan so makanunot ed anggan siopan parin manlilingkur ed sikato.